Hecho 27:6 - Tachi Ak'õre Pedea

⁶ Mãma papaká berã chi mãɨrã chaarea bɨpa awara p'ãp'orro Alejandría p'uurudepema unusima. Mãɨ p'ãp'orro Italia tuadea wãru pasima. Tai ichi ome mãɨ p'ãp'orrode batoodak'ari wãsidama.

Hecho 27:6 ပူးပေါင်းရင်းမြစ်များ

Hecho 18:2

Mãma judio Aquila apataɨ unusima. Mãɨ Aquila Ponto tuadepema pasima. Chi k'ima Priscila ome Italia tuadepa chedada tãaraawẽa basima. Italiadepa wã p'anasima, chi Romanepema chi atepe chaarea bɨ Claudiopa judiorã ãarea Romane bee ãyá jerek'oada pẽra. Corinto p'uurude Pablo ãchimá wãsima ãchi jĩra p'aru te oo k'awa bɨ pẽra. Maapae ãchi ome beesima tausia mimiai k'orea.

Hecho 18:24

Mãɨmisa judio Apolo apataɨ Ép'eso p'uurude chesima. Mãɨ Apolo Alejandría p'uurudepema pasima. Ichia nepia pedeapachima mãɨnepa Tachi Ak'õre k'art'a sida minachia k'awa basima.

Hecho 27:1

Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima.

Hecho 28:11

Jedek'o k'ak'o ũpea padak'ari, p'ãp'orro Alejandría p'uurudepemane batoosidama. Mãɨ p'ãp'orro mãɨ ĩjũa p'ɨrra bɨde basima ewari ewãra pẽra. Chi p'ãp'orro k'ũne ãchi sãdo be ume uru basima: aba Cástor apatama, chi abaɨ Polu apatama.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.