Hecho 27:1 - Tachi Ak'õre Pedea

¹ Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima.

Hecho 27:1 ပူးပေါင်းရင်းမြစ်များ

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Luca 23:47

Mãɨ unuside papaká berã chi mãɨrã chaarea bɨpa Tachi Ak'õrea nãɨya pia jarasima: —Piarã nãɨ ẽpẽra jĩp'a basima.

Luca 7:2

Mãma papaká berã chi mãɨrã chaarea basima. Ichia ichi pae pari mimiaparí minachia k'ɨ̃ria bɨ uru basima. Maamina mãɨ ichi pae pari mimiaparí k'ɨdade bɨẽra piumaa basima.

Hecho 10:1

Cesarea p'uurude ẽpẽra Cornelio apataɨ basima. Ichi Italia tuadepema papaká berã chi mãɨrã chaarea pasima.

Hecho 10:22

Ãchia p'anoosidama: —Tai papaká berã chi mãɨrã chaarea bɨ Corneliopa peesima. Ichi ẽpẽra jĩp'a bɨma mãɨnepa Tachi Ak'õre wap'ea bɨma. Ãarea judiorãpa ichi k'orea pia k'ɨ̃risia p'anɨma. Tachi Ak'õrepa ɨt'aripa peedapa mãɨ pɨ tiidá chepik'ari maapae pɨ pedea ũrimẽrá.

Hecho 16:10

Pablopa mãɨ ununa pẽra taipa k'awasidama Tachi Ak'õrepa tai t'ɨ̃ basit'a, chi pedea pia Jesú k'orea Macedonianepemarã́ jaradamẽrá. Ara mãɨne neet'á oodak'ari wãnayá p'aneesidama.

Hecho 18:2

Mãma judio Aquila apataɨ unusima. Mãɨ Aquila Ponto tuadepema pasima. Chi k'ima Priscila ome Italia tuadepa chedada tãaraawẽa basima. Italiadepa wã p'anasima, chi Romanepema chi atepe chaarea bɨ Claudiopa judiorã ãarea Romane bee ãyá jerek'oada pẽra. Corinto p'uurude Pablo ãchimá wãsima ãchi jĩra p'aru te oo k'awa bɨ pẽra. Maapae ãchi ome beesima tausia mimiai k'orea.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 21:32

Ara mãɨne ichi mãɨnepa ichi papaká berã chi mãɨrã chaarearã t'ɨ̃k'ari ẽpẽerã k'ĩruupik'a p'anɨmá p'ira wãsidama. Judiorãpa ãchi cheuta unusidaɨde Pablo sĩ p'anana itu bɨsidama.

Hecho 22:26

Mãɨ ũriside papaká berã chi atepe chaarea bɨmá wãk'ari jarasima: —¿Pɨa k'awa bɨk'ãra k'ãre oorut'a? Jãɨ ẽpẽra romanepemapɨ.

Hecho 23:11

Mãɨ teamasi Tachi Chipari Pablomá unupik'ari nãɨya jarasima: «Pablo, sõpia base. Mɨ k'orea nãma Jerusalene pedeada jĩra Roma p'uurude pida pedeai bɨma».

Hecho 23:17

Mãɨpuru Pablopa papaká berã chi mãɨrã chaarea bɨ aba t'ɨ̃k'ari jarasima: —Nãɨ k'ũtã́ chi atepe bɨmá ateese. Ichia ne jara k'ɨ̃ria bɨma.

Hecho 24:23

Maapae ichia chi papaká berã chi mãɨrã chaarea bɨa Pablo jɨ̃a nɨbɨpataɨ tede ak'ɨpisima, maamina jarasima Pablopa oo k'ɨ̃ria bɨt'a itu oopimẽrá. Mãɨnepa itu bɨsima chi Pablo ũpẽa jĩra berãpa ichi k'aripade chedamẽrá.

Hecho 25:12

Mãɨne P'esto chi ũraapataɨrã paara pedeak'ari Pabloa jarasima: —Pɨa k'ɨ̃ria bɨma chi Romanepema atepe poro chaarea bɨpa pɨ nepɨra ak'ɨit'a. Mãɨya ichimá peeipɨ.

Hecho 25:25

Maamina mɨmá mi ãpia pida nemietá oowẽa bɨma ichi peadai k'orea. Mãɨne ichia idisima Romanepema chi atepe poro chaarea bɨpa ichi nepɨra ak'ɨmẽrá. Mãɨpuru mɨa ichi Romanea peei k'orea bɨma.

Hecho 27:11

Maamina papaká berã chi mãɨrã chaarea bɨpa Pablo pedea ũrié pasima. Mãɨyawẽapuru chi p'ãp'orro ateewãparí mãɨnepa chi p'ãp'orro chipari pedeat'u ĩjãasima.

Hecho 27:43

Maamina papaká berã chi mãɨrã chaarea bɨpa Pablo k'aripayá bada pẽra, mãɨrã itu k'enapié pasima. Mãɨpari ãarea chi k'ui k'awa berã naa p'usadea edá jĩitɨpisima ipudea ũu wãnamẽrá.

Hecho 27:6

Mãma papaká berã chi mãɨrã chaarea bɨpa awara p'ãp'orro Alejandría p'uurudepema unusima. Mãɨ p'ãp'orro Italia tuadea wãru pasima. Tai ichi ome mãɨ p'ãp'orrode batoodak'ari wãsidama.

Hecho 28:1

Tuá chedak'ari taipa k'awasidama mãɨ ĩjũa p'ɨrra bɨ Malta apataɨt'a.

Hecho 28:16

Roma p'uurudea chedak'ari papaká berã chi mãɨrã chaarea bɨpa chi jɨ̃a nɨp'anɨrã chi mãmapema chaarea bɨa juade teasima, maamina Pablo tuaba te awara bɨde itu beepisima. Papaká bɨ aba bɨsima ichi ot'ea bamẽrá.

Hebreo 13:24

Ũpẽarã, mãra ak'ɨpataɨrã́ mãɨnepa ãarea Tachi Ak'õre ẽpẽrarã́ pia p'anapadade a jarat'ɨ. Ichiaba ũpẽarã Italia tuadepemarãpa mãrá pia p'anapadade a jara pee p'anɨma.