Hecho 22:3 - Tachi Ak'õre Pedea

³ «Mɨ judiopɨ. Cilicia tuade Tarso p'uurude t'õsima. Maamina mɨ nãma Jerusalene warisima. Jarateaparí Gamalielpa mɨá ãarea tachi chõarãenapemarã Moisepa bɨdat'a minachia jarateasima. Mɨa Tachi Ak'õrene minachia ĩjãa bapachima mãrapa ĩjãapata jĩra.

Hecho 22:3 ပူးပေါင်းရင်းမြစ်များ

Luca 10:39

Martapa ũpẽawẽra uru basima María apataɨ. María Jesú jĩru k'ait'a suak'abari basima ichia jaratea bɨ ũrii k'orea.

Luca 2:46

Ewari ũpeaɨde ichi unusidama Tachi Ak'õre te eda Moisepa bɨda jarateapataɨrã t'ãena suak'abari bɨt'a. Ãchia jaratea p'anɨ ũri basima mãɨnepa ãchiá ne idipachima.

Luca 8:35

Ẽpẽrarãpa ak'ɨde chesidaɨde chi ẽpẽra jaore mietá chok'ará uru bada Jesú taade suak'abari bɨ unusidama. Neet'á jɨ̃k'ari, k'ĩra pia basima. Mãɨ k'orea ẽpẽrarã p'erasidama.

Hecho 11:25

Mãɨya nak'ari Bernabé Tarso p'uurudea Saulo jɨrɨde wãsima. Unuk'ari Antioquiadea ateewãsima.

Hecho 15:23

Ãchi ome k'art'a nãɨya bɨdak'ari tea peesidama: Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarã pida nãɨ k'art'a bɨutama ũpẽarã judiorãwẽ Antioquía p'uurudepema pae, Siria tuadepema pae mãɨnepa Cilicia tuadepema pae. Taipa k'ɨ̃ria p'anɨma mãra pia p'ananait'a.

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 21:20

Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama: —Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a.

Hecho 21:39

Mãɨne Pablopa jarasima: —Mãɨyawẽma, mɨ judiopɨ. Cilicia tuadepemapɨ. Tarso p'uuru atepe bɨde t'õsima. Mɨ chichupuria p'uuru k'ĩrari itu pedeapise.

Hecho 23:34

Mãɨ k'art'a ak'ɨk'ari chi atepe poro chaarea bɨpa Pabloa idisima sãmapema k'awayá. Pablo Cilicia ĩjũanepema k'awaside nãɨya jarasima: «Chi pɨ nepɨra pará bɨade apataɨrã chedak'ari mɨa pɨá ũriipɨ». Maapae ichia chi papaká berã́ jarasima Pablo chi Herodepa oopida te atepe bɨdea ateewãnak'ari, ãchia mãma ak'ɨdamẽrá.

Hecho 23:6

Mãɨya bɨde Pablopa k'awasima chi eda waapẽarã saduceorãpema pasima mãɨnepa chi waapẽarã p'ariseorãpema pasima. Mãɨpuru ãchiá ɨbɨa jarasima: —Ũpẽarã, mɨ p'ariseopɨ. Mɨ chõarãenapemarã sida p'ariseorã pasima. Mãɨpuru ĩjãa bɨma chi piudaadarã chok'ae p'irabaridait'a. Mãɨ k'orea mɨ ɨtɨa k'ɨ̃ria p'anɨma.

Hecho 26:5

Ãchia k'awa p'anɨma mɨ p'ariseopɨ. Parituapa mãɨ pɨ k'ĩrari jara k'ɨ̃ria bɨpɨra, mãɨ jarai bɨma. Pɨa k'awa bɨma Moisepa bɨda ũrinai k'orea p'ariseorãpa jĩrak'aua oopataɨ.

Hecho 26:9

—Mɨa naena k'ɨ̃risia basima ne ãarea ooi bɨt'a ẽpẽerãpa Jesú Nazaredepema ĩjãapidaemaapa.

Hecho 5:34

Mãɨne p'ariseo Gamaliel apataɨ basima. Mãɨ Gamaliel Moisepa bɨda jarateaparí chi minachia k'awa bɨ pasima. Ãareaɨrãpa ichi minachia wap'ea p'anasidama. Gamaliel p'irabarik'ari chi Jesupa peedaɨrã tajatá ateewãpisima.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Hecho 9:1

Mãɨ ewaride Saulopa wapida chi Tachi Chiparide ĩjãapataɨrã peak'oayade a bapachima. P'aare minachia k'awa bɨmá wãk'ari idisima k'art'a teamẽrá. Mãɨ k'art'a Damasco p'uurude judiorã ará pedeapataɨ techa ateei k'ɨ̃risia basima. K'art'ade bɨ basima ãchi t'ãena Jesú Ode nipada ɨmɨk'ĩrarã mãɨnepa wẽrarã sida jitak'ari Jerusalenea ãarea ateewãi bɨt'a.

Hecho 9:11

Tachi Chiparipa jarasima: —P'irabarik'ari Juda tedea wãse. Mãɨ te O Jĩp'a Bɨ apataɨde bɨma. Cherude jarase pɨa ẽpẽra Saulo Tarso p'uurudepema ak'ɨde che bɨt'a. Ara nãɨyana ichia Tachi Ak'õrea ɨt'aa chiidi bɨma.

Hecho 9:30

Ũpẽarãpa mãɨ k'awasidaɨde Saulo Cesarea p'uurudea ateewãsidama. Mãmãɨpa ichi p'uuru Tarsodea peesidama.

Romano 11:1

Mãɨ k'orea mɨa nãɨ idiruma: «¿Tachi Ak'õrepa israel ĩjũanepemarã ichidirã itu bɨsik'ãra?» ¡Mãɨyawẽma! Mɨ israel ĩjũanepemapɨ, Abrahanepa chedaadadepemapɨ, Benjaminepa chedapɨ.

2 Corintio 11:22

Ãchi hebreorãane a p'anɨma. ¿Mɨ sida ara abaɨwẽk'ãra? Ãchi israeldepemarãane a p'anɨma. ¿Mɨ sida ara abaɨwẽk'ãra? Ãchi Abrahán warrarãane a p'anɨma. ¿Mɨ sida ara abaɨwẽk'ãra?

Gálata 1:14

Judiorãpa jarateapataɨ mɨa atepe k'awaru pasima mɨ aɨk'aɨrã k'aepẽra, tai chõarãenapemarãpa oopataɨ minachia oopachideepuru.

Gálata 1:21

Jerusalenea wãk'ari mɨ Siria tuadea mãɨnepa Cilicia tuadea wãsima.