Hecho 20:3 - Tachi Ak'õre Pedea

³ Mãma jedek'o ũpea basima. Pablo Siria tuadea p'ãp'orrode wãi paside k'awasima judiorãpa ichi piawẽa oodai k'orea pedea ausidama. Mãɨpuru Macedonia tuade p'asa wãsima.

Hecho 20:3 ပူးပေါင်းရင်းမြစ်များ

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Hecho 16:12

Mãmãɨpa P'ilipo p'uurudea jĩte wãnak'ari mãma ewari k'ak'o tãaraawẽa p'anasidama. Mãɨ p'uuru Macedonia tuade p'uuru chi atepe bɨ pasima. Romanepemarã mãma p'anapachidama.

Hecho 16:9

Teamasi Pablopa k'ãmok'araa jĩra unusima ẽpẽra Macedonia tuadepema bai nɨbɨt'a. Mãɨ ẽpẽrapa Pabloa nãɨya chichupuria idisima: «Macedonianea tai k'aripade chese».

Hecho 18:18

Pablo Corinto p'uurude tãaraa basima. Mãɨne chi ũpẽarã ará p'anɨrã́ wãyane asima. P'ãp'orrode batooi naena Pablo Cencrea p'uurude poro t'ɨɨpisima, Tachi Ak'õre pae ne ooyade ada mãɨ ãarea ooda pẽra. Maapaepuru Siria tuadea wãsima, Aquila chi k'ima Priscila ome.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 20:1

Mãɨya k'ĩruupik'a para bak'ari itu bɨdak'ari Pablopa chi Jesude ĩjãapataɨrã t'ɨ̃k'oak'ari ãchi ome pedeasima Tachi Chiparide pia ĩjãanamẽrá. Maapae wãyane ak'ari Macedonia tuadea wãsima.

Hecho 20:19

Mɨa chi Tachi Chiparipa k'ɨ̃ria bɨt'a oo baside, chi atepe bait'a k'ɨ̃riaé pasima. Edaɨde jẽa bapachima mãɨnepa judiorãpa mɨ piawẽa oo k'ɨ̃ria p'anana pẽra mĩa bapachima.

Hecho 20:2

Ãarea mãɨ tuade p'ɨrrɨa nipaside ũpẽarã k'aripapachima Tachi Chiparide pia ĩjãanamẽrá. Maapae Grecia tuade chesima.

Hecho 21:3

Wãutade Chipre ĩjũa p'ɨrra bɨ juawieri unusidama maamina Siria tuadea jĩp'a p'asa wãsidama. Mãma Tiro p'uurude edá batoosidama, chi p'ãp'orrodepemarãpa neet'á edá ameenai k'orea.

Hecho 25:3

Ãchia P'estoa chichupuria idisidama Pablo Jerusalenea ateewãpimẽrá. Mãɨya jarasidama Pablo ode peadai k'ɨ̃risia p'anɨ pẽra.

2 Corintio 1:15

Mãra mɨ k'orea piarã arapaadai k'ɨ̃risia bɨ pẽra, naa mɨa k'ɨ̃risia basima bari k'ak'o ume mãra ak'ɨde wãit'a minachia k'aripai k'orea.

2 Corintio 11:26

Mɨ ode wãrune, to k'achiade nipapachima mãɨnepa nechɨapataɨ mietaarã paraamá nipapachima. Ara mɨ ẽpẽrarã judiorã t'ãena mãɨnepa judiorãwẽ t'ãena mɨ nepɨrade basima. Mãɨ p'uuru wawaria bede mãɨnepa p'uuru awaraɨde mɨ nepɨrade basima. P'usade pida nepɨrade basima. Chi ũpẽarã piarãpemawẽmá pida mɨ nepɨrade basima.

2 Corintio 7:5

Macedonia tuadea chesidaɨde tai p'ue ɨ̃apaadawẽa p'anasidama, mãɨpari ne ãareaɨne minachia mĩa p'anasidama. Ẽpẽrarã tai ome k'ĩruu pedeapachidama mãɨnepa tai ne wap'ea nipapachidama.

Gálata 1:21

Jerusalenea wãk'ari mɨ Siria tuadea mãɨnepa Cilicia tuadea wãsima.