Hecho 2:11 - Tachi Ak'õre Pedea

¹¹ Mãɨnepa ẽpẽerã Creta ĩjũa p'ɨrra bɨdepema mãɨnepa Arabiadepema nãma p'anɨma. ¡Ãareaɨrãpa ara tachi pedeade chi Tachi Ak'õrepa nepia ooda k'orea pedea p'anɨt'a ũri p'anɨma!»

Hecho 2:11 ပူးပေါင်းရင်းမြစ်များ

Hecho 2:10

P'rigiadepema, Panp'iliadepema, Egitodepema, Libia tuade Cirene p'uuru k'ait'adepema mãɨnepa Romanepema nãma p'anɨma. Tachi judiorã mãɨnepa judiorã padada nãma p'anɨma.

Hecho 2:12

K'awa k'ɨ̃risiadaé pasi pẽra nãɨya jara tuaneesidama: «¿Nãɨt'a k'ãre jara k'ɨ̃ria bɨma?»

Hecho 27:12

Mãɨ p'ãp'orro jɨ̃pataɨmá piawẽa basima, mãɨ ewari ewãra nɨbɨde mãma nɨnai k'orea. Mãɨpuru chi ẽpẽerã minachia p'anɨrãmá pia basima P'enice p'uurudea wãnait'a mãma chi ewari ewãra nɨbɨt'a nɨnai k'orea. Mãɨ p'uuru sida Creta ĩjũa p'ɨrra bɨde bɨma. Mãmãɨpa unupachidama k'ĩraripema estarik'a mãɨnepa ãpɨteapema estarik'a.

Hecho 27:13

Mãɨne nãu ãpɨtepa pik'ã́ p'õat'ɨ nɨbeek'ari, pia wãnai k'ɨ̃risiasidama. Chi jiorro p'ãp'orro jõe uru nɨbeeparí ɨt'aa jiradak'ari Creta ĩjũa p'ɨrra bɨ ik'idá wãsidama.

Hecho 27:7

Ewari minachia pa bɨde pik'ã́ wãsidama nãu k'ĩramá p'õat'ɨ nɨbada pẽra. Chi t'aju basima Gnido k'ĩrari padai k'orea. Wapida nãu minachia p'õat'ɨ nɨbɨ pẽra Creta ĩjũa p'ɨrra bɨ ik'idá wãsidama Salmona k'ĩrari.

1 Corintio 12:10

Mãɨnepa Tachi Ak'õre Jaorepa chi eda tachidiidepemarã́ tea bɨma ẽpẽerãpa ne p'ue oodak'apɨ́ p'ue oodamẽrá. Chi eda tachidiidepemarã́ tea bɨma ãchi p'ue Tachi Ak'õre pari pedeadamẽrá. Chi eda tachidiidepemarã́ tea bɨma p'ue k'awadamẽrá abaɨpa Tachi Ak'õre Jaoredepa pedea bɨ wa jaore mietaadepa pedea bɨ. Mãɨnepa chi eda tachidiidepemarã́ tea bɨma wawaria tachia ũrinak'apɨ́ pedeade pedeadamẽrá. Mãɨnepa chi eda tachidiidepemarã́ tea bɨma tachia ũrinak'apɨ́ pedeade jaradat'a k'awa jaradamẽrá.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

Gálata 1:17

Mãɨnepa chi mɨ naa Jesucristopa peedaɨrã́ Jerusalenea idide wãé pasima. Mãɨpari mɨ Arabia tuadea wãsima. Mãɨya nak'ari Damasco p'uurudea jĩitea wãsima.

Gálata 4:25

Chi Sinaí eya Arabia tuade bɨ Agar jĩra bɨma, chi mãɨ eyade teada Moisepa bɨdade ĩjãa berã, chipari pae pari mimiapataɨrã jĩra p'anɨ pẽra. Mãɨnepa chi nãɨ ĩjũanepema Jerusalén p'uuru, Agar jĩra bɨma mãɨ p'uurudepemarã chipari pae pari mimiapataɨrã jĩra p'anɨ pẽra.

Tito 1:12

Ara mãɨ Cretadepema k'ɨ̃risia k'awaparipa nãɨya jarasima: «Cretadepemarã seajarapataɨrã, ãnimara k'achia jĩra be, ne minachia k'oyá be mãɨnepa chi k'oa be».

Tito 1:5

Mɨa pɨ p'usa estaik'a ĩjũa bɨ Creta apataɨde ameesima tachia oodai p'anana jõma oomẽrá. Mɨa jarada jĩra ĩjãapataɨrã ak'ɨpataɨrã chõarã p'uurucha bɨk'oase.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.