Hecho 17:5 - Tachi Ak'õre Pedea

⁵ Maamina judiorã Jesude ĩjãawẽa berã sõk'achia tuaneesidama. Mãɨpuru ẽpẽerã k'achia berã jɨrɨdak'ari ãchi paara chi p'uurudea k'ĩruupik'ade wãsidama. Maapae Jasón tede eda k'ĩruu wãnak'ari, Pablo mãɨnepa Sila jitasidama ãareaɨrã k'ĩrari ãchi nepɨra ak'ɨdayá.

Hecho 17:5 ပူးပေါင်းရင်းမြစ်များ

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 14:2

Maamina chi judiorã Jesude ĩjãawẽa bepa mãɨ judiorãwẽpa chi ũpẽarã k'orea piawẽa k'ɨ̃risiapisidama.

Hecho 17:13

Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá.

Hecho 17:6

Maamina ãchi ununaé pasima. Mãɨ k'orea Jasón mãɨnepa chi waapẽarã ũpẽarã jitadak'ari chi p'uurudepema chaarearãmá jidibari ateewãsidama. Ãareaɨrãpa biadak'ari jarasidama: «Nãɨrã ẽpẽerãpa nãɨ ĩjũane ãarea nepɨra oo p'anɨpa ara mãɨya abarik'a nãmá oode chesidama.

Hecho 17:7

Mãɨ awara cha bɨ Jasonpa ãchi ichi tede pia chepisima. Chi tachi romanepemarã chi atepe poro chaarea bɨpa oopi bɨt'a, ãarea mãɨ ãchia itu bɨ p'anɨma. Poro jũra jɨ̃parí jɨ̃ bɨ mãɨ awara bɨade a p'anɨma; chi mãɨ Jesuade a p'anɨma».

Hecho 17:9

Mãɨya p'anɨne chi chaarearãpa Jasonoa mãɨnepa waapẽarã́ jarasidama erreara teadai p'anɨt'a ãchi k'ẽet'aapidai k'orea. Teadak'ari itu wãpisidama.

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 19:40

Chi idi jãɨya k'ĩruupik'adada k'orea chi romanepemarãpa p'ue jaradaipɨ, mãɨ tachiapuru ãarea k'ĩruupik'adadat'u. Ãchia k'ãre k'orea mãɨya oosidade adaipɨra, mi ãpia pida p'ue p'anoonaiwẽma».

Hecho 7:9

»Mãɨya nak'ari Jacobo warrarãpa ãchi ũpẽa José sõk'achia p'anɨnepa ichi netosidama Egito tuade chi chipari pae pari mimiaparí bamẽrá. Maamina mãma Tachi Ak'õre ichi ome basima.

Romano 16:21

Ũpẽa Timoteo mɨ ome ará jaratea bɨpa k'ɨ̃ria bɨma mãra pia tuananait'a. Mãɨnepa mɨ ũpẽarã judiorã Luciopa, Jasonpa mãɨnepa Sosipateropa k'ɨ̃ria p'anɨma mãra pia tuananait'a.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

2 Corintio 11:26

Mɨ ode wãrune, to k'achiade nipapachima mãɨnepa nechɨapataɨ mietaarã paraamá nipapachima. Ara mɨ ẽpẽrarã judiorã t'ãena mãɨnepa judiorãwẽ t'ãena mɨ nepɨrade basima. Mãɨ p'uuru wawaria bede mãɨnepa p'uuru awaraɨde mɨ nepɨrade basima. P'usade pida nepɨrade basima. Chi ũpẽarã piarãpemawẽmá pida mɨ nepɨrade basima.

Gálata 5:21

waapẽarãpa uru p'anɨ k'orea piawẽa k'ɨ̃risiapataɨ, mĩa peapataɨ, piu nipapataɨ, arapaapataɨ ewari oo p'anɨne minachia nemietá oopataɨ mãɨnepa nejõma nemietá mãɨ jĩra be sida. Mɨa mãrá naena jarada jĩra mãicha jararuma: mãɨ nemietá oo be Tachi Ak'õre juade p'ananaiwẽma, ichidirã paara.

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?