Hecho 17:4 - Tachi Ak'õre Pedea

⁴ Chi eda waapẽarã judiorãpa mãɨ ĩjãanak'ari Pablomá mãɨnepa Silamá ará barisidama. Mãɨnepa minachia griegorã Tachi Ak'õre wap'ea bepa mãɨnepa chi eda waapẽarã wẽrarã chi minachia k'awa p'anɨrãpa ĩjãasidama.

Hecho 17:4 ပူးပေါင်းရင်းမြစ်များ

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Hecho 13:43

Chi jere p'anana wãsidaɨde minachia judiorãpa mãɨnepa griegorã chi judiorã k'ɨ̃risia jĩra p'anapataɨrãpa Pablo mãɨnepa Bernabé paara wãsidama. Ãchia mãɨ ẽpẽerã́ minachia jarasidama Tachi Ak'õrepa ichi sõpiadepa ãchi k'aripa bɨt'a ĩjãa p'ananamẽrá.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 14:1

Iconio p'uurude ãchia oopataɨ jĩra Pablo mãɨnepa Bernabé judiorã ará pedeapataɨ tede eda wãsidama. Ãchia jaratea p'anɨt'a minachia judiorãpa mãɨnepa griegorãpa Jesude ĩjãasidama.

Hecho 14:4

Maamina mãɨ p'uurudepemarãpa awara awará k'ɨ̃risia p'aneesidama. Chi eda waapẽarã Pablo mãɨnepa Bernabé ome p'anasidama, mãɨnepa chi waapẽarã judiorã ome p'anasidama.

Hecho 15:22

Mãɨne chi Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarãpa mãɨ jaradada pia ũrisidama. Mãɨpuru chi eda waapẽarã jɨrɨ atasidama Pablo mãɨnepa Bernabé ome Antioquiadea wãnamẽrá. Sila mãɨnepa Juda chi ɨ̃ana t'ɨ̃ Barsabá apataɨ ateewãsidama. Chi waapẽarãpa ũpẽarãpa ãchi k'orea pia k'ɨ̃risiasidama.

Hecho 15:27

Mãɨya taipa Juda mãɨnepa Sila peeutama. Mãɨ ũpẽarãpa taipa nãɨ k'art'ade bɨuta jĩra abarik'a jaradaipɨ.

Hecho 15:32

Juda mãɨnepa Sila Tachi Ak'õre pari pedeapataɨrã pasima. Mãɨpuru ne minachia jarasidama ũpẽarãpa pia ĩjãanamẽrá mãɨnepa chaarea p'ananamẽrá.

Hecho 15:40

Mãɨne Pablopa Sila ateewãsima ichi ome wãmẽrá. Ũpẽarãpa Tachi Chipari juade bɨsidama ichi sõpiadepa k'aripamẽrá.

Hecho 16:3

Mãɨne Pablopa Timoteo ateewã k'ɨ̃ria basima. Maamina ãareaɨrãpa k'awa p'anasidama Timoteo ak'õre griego pasit'a. Mãɨpuru Pablopa Timoteo k'ak'ua tauchaasima judiorã mãɨ tuade berãpa ichi k'orea piawẽa k'ɨ̃risiapidaemaapa. Maapae wãsidama.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 17:12

Mãɨpa minachia judiorãpa Jesude ĩjãasidama. Mãɨnepa minachia griego wẽrarã chi minachia k'awa p'anɨrãpa mãɨnepa ɨmɨk'ĩrarãpa ĩjãasidama.

Hecho 17:14

Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama.

Hecho 17:17

Mãɨya bɨde Pablo judiorã ará pedeapataɨ tede chi judiorã ome mãɨnepa chi judiorãwẽ Tachi Ak'õre wap'ea be ome Jesú k'orea pedea bapachima. Mãɨ awara p'uurude ewaricha ẽpẽerã p'anɨmá pedea bapachima.

Hecho 17:34

Chi eda waapẽarã ará p'ananapa Pablo pedea ĩjãasidama. Aba Dionisio pasima. Mãɨ Areopagodepema pasima. Ichiaba wẽra Dámaris apataɨpa mãɨnepa ẽpẽrarã awaraɨrãpa ĩjãasidama.

Hecho 18:4

Mimianak'apɨ́ ewaricha Pablo judiorã ará pedeapataɨ tede pedea bapachima judiorãpa mãɨnepa griegorãpa Jesude ĩjãanamẽrá.

Hecho 19:10

Ãyo k'ak'o ume mãɨya oosima. Mãɨya ãarea Asia tuadepema judiorãpa mãɨnepa judiorãwẽpa Tachi Chipari Jesú k'orea ũrisidama.

Hecho 2:44

Ãarea chi Jesude ĩjãapataɨrã ará pia tuanapachidama. Chi eda waapẽarãpa ãchi ĩjũa mãɨnepa neet'á netodak'ari mãɨ ãarea teapachidama ara ãchi ne newẽa p'anɨ jĩra. Mãɨya ãchia uru bedeepa ara ãchi paara k'aripapachidama.

Hecho 21:28

Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima! ¡Nãɨ te abapuru Tachi Ak'õre pae bɨt'a mietá bɨsima!»

Hecho 28:24

Pablopa jarada chi eda waapẽarãpa ĩjãasidama, maamina waapẽarãpa ĩjãanaé pasima.

Hecho 4:23

Pedro mãɨnepa Juan pari ãjã́ bɨdak'ari chi waapẽarã Jesude ĩjãapataɨrã ará p'anɨmá wãsidama. Maapae p'aarerã chi mãɨrã chaarearãpa mãɨnepa chi judiorã chõarãpa ãchiá jara p'ananat'a ãarea nepɨrɨsidama.

2 Corintio 8:5

Mãɨne ãchia abapuru taipa k'ɨ̃risia p'anana jĩra oodaé pasima. Mãɨpari naa ara ãchit'u teasidama Tachi Chiparipa k'ɨ̃ria bɨ jĩra oodai k'orea. Mãɨ ɨ̃ari taipa jaradada oosidama. Mãɨya Tachi Ak'õrepa k'ɨ̃ria bɨ jĩra arí oosidama.