Hecho 10:4 - Tachi Ak'õre Pedea

⁴ Corneliopa Tachi Ak'õrepa ɨt'aripa peeda minachia ak'ɨk'ari ne minachia wap'ea bɨdepa idisima: —¿K'ãre, mɨ chipari? Mãɨne Tachi Ak'õrepa ɨt'aripa peedapa jarasima: —Pɨa Tachi Ak'õrea ɨt'aa chiidi bɨt'a mãɨnepa nenea k'ede k'aripa bɨt'a ichia mãɨ pia unu bɨma, ichiá ne paatearu jĩra.

Hecho 10:4 ပူးပေါင်းရင်းမြစ်များ

Mateo 26:13

Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.

Luca 1:29

Mãɨ pedea ũriside Mariapa k'awa k'ɨ̃risiaé pasima, k'ãre k'orea chi Tachi Ak'õrepa ɨt'aripa peeda mãɨya pedea bɨt'a.

Luca 24:5

Mãɨ k'orea wẽrarã minachia p'eradak'ari sĩraporode k'op'aneenak'ari, ãchi tau bɨɨrɨ ĩjũamá t'ɨpisidama. Mãɨne chi ẽpẽrarãpa ãchiá jarasidama: —¿K'ãre k'orea mãrapa chok'ae bɨ piudaadarã t'ãena jɨrɨ p'anɨma?

Hecho 10:31

Mãɨ ẽpẽrapa mɨá jarasima: “Cornelio, pɨa ɨt'aa chiidi bada Tachi Ak'õrepa pia ũrisima. Ichia k'ɨ̃risia atuawẽa bɨma pɨa nenea k'ede k'aripaparit'a.

Hecho 14:9

chi Pablopa pedea bɨt'a ũrisima. Pablopa ichimá ak'ɨrude k'awasima ichia piarã ĩjãa bɨ Jesupa ichi p'ue jɨpa beepiit'a.

Hecho 22:10

Mãɨne mɨa idisima: “Mɨ Chipari, ¿pɨa k'ãre k'ɨ̃ria bɨma mɨa ooit'a?” Tachi Chiparipa p'anoosima: “P'irabarik'ari Damasco p'uurudea wãse. Jãma jaraipɨ k'ãre ooi bɨt'a”.

Hecho 3:4

Pedro mãɨnepa Juanpa ichimá ak'ɨsidama. Mãɨne Pedropa jarasima: —Taimá ak'ɨse.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Apocalipsi 8:4

Chi ichi juade p'arat'u nee oodade incienso k'era paada nãri ɨt'aa chi p'iumá Tachi Ak'õremá wã nɨbasima, chi ẽpẽerãpa ɨt'aa chiididada paara.