Hecho 10:2 - Tachi Ak'õre Pedea

² Mãɨ Cornelio ichi tiidapemarã paara ãarea jĩp'a p'anasima. Tachi Ak'õre wap'ea p'anasidama. Corneliopa judiorã k'aripai k'orea erreara minachia teapachima mãɨnepa Tachi Ak'õrea ɨt'aa chiidi bapachima.

Hecho 10:2 ပူးပေါင်းရင်းမြစ်များ

Mateo 25:17

Ara mãɨ jĩra chi ume mil jitadapa awara mãicha ume mil eapapisima.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Luca 2:25

Mãɨ ewaride ẽpẽra Simeón apataɨ Jerusalene basima. Mãɨ Simeón jĩp'a basima mãɨnepa Tachi Ak'õrepa jara bɨ jĩra pia oopachima. Ichia nɨ basima Tachi Ak'õrepa Israel p'uuru sõpiapii ewarit'a. Tachi Ak'õre Jaore ichi ome basima.

Hecho 10:22

Ãchia p'anoosidama: —Tai papaká berã chi mãɨrã chaarea bɨ Corneliopa peesima. Ichi ẽpẽra jĩp'a bɨma mãɨnepa Tachi Ak'õre wap'ea bɨma. Ãarea judiorãpa ichi k'orea pia k'ɨ̃risia p'anɨma. Tachi Ak'õrepa ɨt'aripa peedapa mãɨ pɨ tiidá chepik'ari maapae pɨ pedea ũrimẽrá.

Hecho 10:31

Mãɨ ẽpẽrapa mɨá jarasima: “Cornelio, pɨa ɨt'aa chiidi bada Tachi Ak'õrepa pia ũrisima. Ichia k'ɨ̃risia atuawẽa bɨma pɨa nenea k'ede k'aripaparit'a.

Hecho 10:35

Mãɨpari p'uurucha chi ichi wap'eapa jĩp'a oo bet'a pia unuparima.

Hecho 10:4

Corneliopa Tachi Ak'õrepa ɨt'aripa peeda minachia ak'ɨk'ari ne minachia wap'ea bɨdepa idisima: —¿K'ãre, mɨ chipari? Mãɨne Tachi Ak'õrepa ɨt'aripa peedapa jarasima: —Pɨa Tachi Ak'õrea ɨt'aa chiidi bɨt'a mãɨnepa nenea k'ede k'aripa bɨt'a ichia mãɨ pia unu bɨma, ichiá ne paatearu jĩra.

Hecho 10:7

Tachi Ak'õrepa ɨt'aripa peeda ichi ome pedea bak'ari wãsima. Wãk'ari Corneliopa chi ichi pae pari mimiapataɨrã ume mãɨnepa papaká bɨ aba t'ɨ̃sima. Mãɨ papaká bɨpa Cornelio k'aripapachima mãɨnepa Tachi Ak'õre wap'ea basima.

Hecho 11:14

Ichia jaraipɨ sãya Tachi Ak'õrepa pɨ mãɨnepa pɨ tedepemarã k'aripait'a”.

Hecho 13:16

Mãɨne Pablo p'irabarik'ari juapa jarasima ãareaɨrã́ k'ĩup'eadamẽrá. Maapae jarasima: —Israeldepemarã mãɨnepa judiorãwẽ Tachi Ak'õre wap'ea berã, ũrit'ɨ:

Hecho 13:26

»Mãra ũpẽarã Abrahanepa ununaanarã mãɨnepa mãra judiorãwẽ Tachi Ak'õre wap'ea berã, Tachi Ak'õrepa tachiá peesima mãɨ pedea ateewãnai k'orea.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 18:8

Judiorã ará pedeapataɨ tedepema chi chaarea bɨ Crispo apachidama. Mãɨ Crispopa mãɨnepa ãarea ichidirãpa Tachi Chiparide ĩjãasidama. Mãɨ awara minachia Corinto p'uurudepemarãpa ũrisidama Pablopa Jesú k'orea jaratea bɨt'a. Ĩjãanak'ari porochoasidama.

Hecho 2:5

Pentecosté ewari pẽra judiorã tuachadepema Tachi Ak'õre wap'ea berã Jerusalene p'anasidama.

Hecho 22:12

»Mãma ẽpẽra Anania apataɨ basima. Mãɨ Ananiapa Tachi Ak'õre wap'ea bɨ pẽra Moisepa bɨda minachia ĩjãa basima. Ãarea judiorã Damasco p'uurudepemarãpa ichi k'orea pia pedeapachidama.

Hecho 9:11

Tachi Chiparipa jarasima: —P'irabarik'ari Juda tedea wãse. Mãɨ te O Jĩp'a Bɨ apataɨde bɨma. Cherude jarase pɨa ẽpẽra Saulo Tarso p'uurudepema ak'ɨde che bɨt'a. Ara nãɨyana ichia Tachi Ak'õrea ɨt'aa chiidi bɨma.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

Hecho 9:36

Mãɨ ewaride Jesude ĩjãa bɨ wẽra Tabita apataɨ Jope p'uurude basima. Griego pedeade ichi t'ɨ̃ Dorca apachidama. Mãɨ ũpẽawẽrapa nepia be oo bapachima. Chi nenea k'ede minachia k'aripapachima.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

Apocalipsi 15:4

Tai Chipari, ¿k'aipa pɨ wap'eawẽa bɨwẽma? ¿K'aipa pɨ chi atepe bɨade aiwẽma? Pɨt'u chi Tachi Ak'õre paepuru bɨpɨ. Tua ãareaɨrã chedak'ari pɨá pia pedeadaipɨ, pɨa jĩp'a oo bɨt'a unupida pẽra».