Hecho 10:1 - Tachi Ak'õre Pedea

¹ Cesarea p'uurude ẽpẽra Cornelio apataɨ basima. Ichi Italia tuadepema papaká berã chi mãɨrã chaarea pasima.

Hecho 10:1 ပူးပေါင်းရင်းမြစ်များ

Mateo 27:27

Ara mãɨne Pilato papaká berãpa Jesú ãchi te choma Pretorio apataɨdea ateesidama. Mãma waapẽarã papaká berã t'ɨ̃nak'ari ichimá jũranak'ari orrobarisidama.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Marco 15:16

Ara mãɨne papaká berãpa Jesú ãchi te choma Pretorio apataɨde eda ateewãsidama. Mãma waapẽarã papaká berã sida t'ɨ̃sidama.

Luca 7:2

Mãma papaká berã chi mãɨrã chaarea basima. Ichia ichi pae pari mimiaparí minachia k'ɨ̃ria bɨ uru basima. Maamina mãɨ ichi pae pari mimiaparí k'ɨdade bɨẽra piumaa basima.

Juan 18:12

Maapae romanepema papaká bepa, ara ãchi poro chaarea bɨpa mãɨnepa chi Tachi Ak'õre te ot'eapataɨrãpa Jesú jitadak'ari jua bɨrasidama.

Juan 18:3

Mãɨpuru Judapa chok'ará romanepema papaká berã mãɨnepa chi Tachi Ak'õre te ot'eapataɨrã mãɨ ne uu ĩjũanea ateewãsima. Ãchi chi p'aarerã chi mãɨrã chaarearãpa mãɨnepa p'ariseorã pida Juda ome peesidama. Ãchia ĩpira, laap'ara mãɨnepa jiorro uru p'anasidama.

Hecho 10:24

Mãɨ norema Cesarea p'uurude chesidama. Corneliopa ichi ẽpẽerã mãɨnepa ichi k'õp'ãerorã chi piipará be t'ɨ̃na pẽra ichi tede nɨ p'anasidama.

Hecho 21:31

Pablo pea k'ɨ̃ria p'anɨmisa abaɨpa romanepema papaká berã chi atepe poro chaarea bɨa jarade wãsima ãarea Jerusalene p'anɨrã k'ĩruupik'asidat'a.

Hecho 21:8

Norema wãnak'ari Cesarea p'uurude chesidama. Mãma P'elipe tede p'aneesidama. Mãɨ P'elipe chi pedea pia Jesú k'orea jaraparí pasima. Ũpẽarã k'aripapataɨrã siete jɨrɨ atadaadadepema pasima.

Hecho 22:25

Maamina ichi p'edai k'orea jɨ̃utade Pablopa chi papaká berã chi mãɨrã chaarea arí bɨa jarasima: —¿Mãrapa romanepemarã aba p'ue p'edai p'anɨk'ãra ichi nepɨra ak'ɨdai naena?

Hecho 23:23

Maapae papaká berã chi atepe bɨpa chi chaarearã berã ume t'ɨ̃k'ari jarasima: —Jɨrɨ atase papaká berã dosciento, papaká berã mũrane wãpataɨrã setenta mãɨnepa papaká berã miasudepa k'ĩruupataɨrã dosciento, maapae nãɨ teamasi las nuevede Cesarea p'uurudea wãt'ɨ.

Hecho 23:33

Cesarea p'uurude chesidaɨde chi k'art'a chi atepe poro chaarea bɨa teasidama. Mãɨnepa Pablo sida ichimá ateewãsidama.

Hecho 25:1

P'esto chi mãɨ tuadea chek'ari chi chaarea pai k'orea, ewari k'ak'o ũpea padak'ari Cesarea p'uurudepa Jerusalenea wãsima.

Hecho 25:13

Mãɨya nak'ari judiorã poro jũra jɨ̃parí jɨ̃ bɨ Agripa ichi ũpẽawẽra Berenice ome Cesarea p'uurudea P'esto ak'ɨde wãsidama.

Hecho 27:1

Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima.

Hecho 27:31

Maamina Pablopa papaká berã chi mãɨrã chaarea bɨa mãɨnepa chi ichidí papaká berã́ jarasima: «Jãɨrã p'ãp'orrode p'aneenaepɨra mãra p'ue k'aripadaiwẽma».

Hecho 27:43

Maamina papaká berã chi mãɨrã chaarea bɨpa Pablo k'aripayá bada pẽra, mãɨrã itu k'enapié pasima. Mãɨpari ãarea chi k'ui k'awa berã naa p'usadea edá jĩitɨpisima ipudea ũu wãnamẽrá.

Hecho 8:40

Mãɨne P'elipe Azoto p'uurude pasima. Maapae p'uurucha chi pedea pia Jesú k'orea jarade wãsima Cesarea p'uurude cherudea.