Hecho 1:6 - Tachi Ak'õre Pedea

⁶ Maapae chi Jesú ome ará p'anɨrãpa ichiá idisidama: —Tai Chipari, ¿naapaepuru pɨa tachi Israel p'uuru chĩara juade bada k'ẽet'aapik'ari, tai mãɨ mãicha pia beepiima?

Hecho 1:6 ပူးပေါင်းရင်းမြစ်များ

Mateo 17:11

Jesupa p'anoosima: —Piarã Elía chei bɨma nejõma pia bɨi k'orea.

Mateo 20:21

Mãɨne Jesupa idisima: —Pɨa ¿k'ãre k'ɨ̃ria bɨma? Ichia p'anoosima: —Jarase, pɨ jõmãɨrã chipari beerude, mɨ warrarã suak'abari p'aneenamẽrá pɨk'á, aba juaraari, aba juawieri.

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Marco 9:12

Jesupa p'anoosima: —Piarã Elía naa chei bɨma nejõma pia bɨi k'orea. Maamina ¿k'ãre k'orea Tachi Ak'õre pedeade bɨ bɨma chi Ẽpẽra Warra minachia mĩai bak'ari ẽpẽerãpa ichi itu bɨdait'a?

Luca 17:20

P'ariseorãpa Jesua idisidama: —¿Sãapae Tachi Ak'õrepa ichidirã ichi juade ua baima? Mãɨne Jesupa p'anoosima: —Tachi Ak'õrepa ichidirã ichi juade ua beerude, ẽpẽrarãpa mãɨ ununaiwẽma.

Luca 19:11

Jesú Jerusalén k'ait'a bɨẽra chi arí p'anɨpa k'ɨ̃risia p'anasidama ara mãɨ ewaride Tachi Ak'õrepa ichidirã ichi juade ua beeit'a. Jesupa jara bɨ ũri p'anɨ pẽra nepɨrɨdepa nãɨya jarasima:

Luca 22:29

Mãɨpuru mɨ Ak'õrepa mɨ chi minachia k'awa bɨ bɨsima. Ara mãɨ jĩra mɨa mãra minachia k'awa p'anɨrã jĩra bɨ bɨma.

Juan 21:21

Pedropa mãɨ ẽpẽra unuk'ari Jesua idisima: —Mɨ Chipari, ¿nãɨ ẽpẽra ome sãaima?