Gálata 6:9 - Tachi Ak'õre Pedea

⁹ Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

Gálata 6:9 ပူးပေါင်းရင်းမြစ်များ

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Mateo 24:13

Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Mateo 25:17

Ara mãɨ jĩra chi ume mil jitadapa awara mãicha ume mil eapapisima.

Mateo 9:19

Jesú p'irabarik'ari mãɨ ẽpẽra ome wãsima. Chi ichi ome p'ɨrrɨapataɨrã sida wãsidama.

Marco 3:3

Mãɨne Jesupa chi ẽpẽra jua sorek'ea bɨa nãɨya jarasima: —P'irabarik'ari, ãareaɨrã taade bai nɨbeese.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

2 Corintio 9:6

Nãɨ k'ɨ̃risiat'ɨ: «Ãpia uurupa ãpia chauipɨ. Waibɨa uurupa waibɨa chauipɨ».

Ep'esio 3:13

Mãɨ k'orea mɨa mãrá nãɨya ũraaruma: mɨ mãra k'orea nãma mĩa bɨmina minachia k'ɨ̃risia paraarãt'ɨ. Mãɨya minachia mĩa bɨma mãra Tachi Ak'õre ome pia p'ananamẽrá.

2 Tesalonicense 3:13

Maamina ũpẽarã, pia oo p'anɨnepa sẽrãt'ɨ.

Hebreo 12:3

Minachia k'ɨ̃risiat'ɨ ẽpẽra k'achia p'anɨrãpa Jesú piawẽa oosidaɨde sãmaasã́ choasit'a. Mãɨya mãra sẽnawẽma mãɨnepa ĩjãa p'anɨt'a itu bɨdai k'ɨ̃risiadaiwẽma.

Hebreo 12:5

Pia ĩjãanamẽrá Tachi Ak'õre pedeade bɨ bɨma ¿mãrapa k'ɨ̃risia atuasidak'ãra? Ichi warrarã́ nãɨya jarasima: «Mɨ warra, Tachi Chiparipa ɨtɨarude minachia k'ɨ̃risiarãse. Ichiaba ũraarune sõk'achiarãse.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Santiago 5:7

Mãɨpuru ũpẽarã, jõma choat'ɨ aba Tachi Chipari cherudea. Ẽpẽra ne uu ĩjũane oo bɨ k'orea k'ɨ̃risiat'ɨ. Ne uuk'ari, ne k'ɨ̃risiawẽa nɨparima k'oe chek'ari, ichi ne uuda t'õnomẽrá mãɨnepa warimẽrá. Ara mãɨya nɨparima k'oe mãicha chek'ari, mãɨ ne uuda pia chaumẽrá.

1 Pedro 2:15

Tachi Ak'õrepa k'ɨ̃ria bɨma mãrapa pia oo p'ananait'a. Mãɨya mãrapa chi pia k'ɨ̃risiawẽa berã k'ĩup'eapidaipɨ, atua p'anɨnepa mãra k'orea k'achia pedeapataɨ pẽra.

1 Pedro 3:17

Tachi Ak'õrepa mãra nepɨrade baepiipɨra, pia bɨma pia oo p'anɨ k'orea minachia mĩanai, mãɨ piawẽa oo p'anɨ k'orea minachia mĩanai k'aepẽra.

1 Pedro 4:19

Mãɨ k'orea Tachi Ak'õrepa k'ɨ̃ria bɨ jĩra minachia mĩa p'anɨpa ara ãchi ichi juade bɨdak'ari nepia oodai p'anɨma. Tachi Oodade ĩjãanai p'anɨma, ichia jara bɨ jĩra oopari pẽra.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.

Apocalipsi 2:7

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa pak'uru chok'ae bapiparidepema nejõ itu jõpiipɨ. Mãɨ pak'uru bɨɨrɨ Tachi Ak'õre ĩjũa auk'ará bɨde bɨma.