Gálata 6:1 - Tachi Ak'õre Pedea

¹ Ũpẽarã, mãranepema k'awawẽa nemietaade baesira, mãra chi Tachi Ak'õre Jaoredepa p'ɨrrɨa p'anɨpa, waapẽarã k'aepẽra piipará be jĩra k'ɨ̃risiadak'aɨdepa, mãɨ k'aripadai p'anɨma mãicha jĩp'a nipamẽrá. Maamina jĩrak'aua p'anat'ɨ mãra sida abarik'a nemietaade baedaemaapa.

Gálata 6:1 ပူးပေါင်းရင်းမြစ်များ

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Mateo 26:69

Pedro mãɨ te tuda suak'abari baside, mimiaparí wẽra aba ichimá chesima. Mãɨ wẽrapa jarasima: —Pɨ Jesú Galileadepema ome p'ɨrrɨa bapachima.

Mateo 26:75

Mãɨne Pedropa k'ɨ̃risiasima Jesupa nãɨya jara badat'a: «Et'erre pirui naena pɨa bari k'ak'o ũpea mɨ unuk'aade aipɨ». Maapae Pedro tajatá wãk'ari minachia sõp'uapa jẽasima.

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Romano 14:1

Ũpẽa abaɨ pida tachia Jesucristode ĩjãa p'anɨ k'orea wapida pia atua bɨpɨra, ichi pia jitat'ɨ. Maamina ichia atua bɨ k'orea ichi ome k'ĩruu pedearãt'ɨ.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

1 Corintio 14:37

Abaɨpa Tachi Ak'õre pari pedeaparí k'ɨ̃risia bɨpɨra, wa Tachi Ak'õre Jaoredepa ne oo bɨ k'ɨ̃risia bɨpɨra, mãɨ ẽpẽrapa k'awai bɨma mɨa nãɨ k'art'ade bɨrude Tachi Chiparipa oopi bɨt'a.

1 Corintio 2:15

Chi Tachi Ak'õre Jaore uru bɨpa Tachi Ak'õre k'orea p'ue minachia k'awaipɨ. Maamina Tachi Ak'õre Jaore nea bɨpa chi Tachi Ak'õre Jaore uru bɨ k'ɨ̃risiat'a p'ue k'awaiwẽma.

1 Corintio 3:1

Ũpẽarã, mɨ mãramá wãside, chi Tachi Ak'õre Jaoredepa nipapataɨrã́ jaratea bɨ jĩra p'ue mãɨyaé pasima. Mãɨpari chi nãɨ k'ak'uapa oo k'ɨ̃ria bɨ jĩra oopataɨrã́ mãɨnepa chi chiwidi Cristode ĩjãanaanarã́ jaratea bɨ jĩra jarateasima.

1 Corintio 4:21

Mãɨ ¿mãrapa sãmaasã́ k'ɨ̃ria p'anɨma? ¿K'ɨ̃ria p'anɨk'ãra mɨa ɨtɨade wãi wa k'ɨ̃rianepa, pia pedeadepa wãit'a?

1 Corintio 7:5

Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

2 Corintio 2:7

Maawẽapuru naapae ichia ooda k'ɨ̃risia atuadai p'anɨma mãɨnepa sõpiapidai p'anɨma minachia sõp'ua bɨpa piawẽa beepiemaapa.

2 Corintio 2:8

Mãɨ k'orea mɨa mãrá chichupuria idiruma mãrapa ichi k'ɨ̃ria p'anɨt'a mãicha k'awapidamẽrá.

Gálata 5:23

waapẽarã k'aepẽra pia berã k'ɨ̃risiadak'aɨ mãɨnepa tachi k'ak'ua jĩp'a uru p'anapataɨ. Mãɨ bɨda newẽma chi mãɨ ãarea eda jara bɨt'a «nemietaade» a bɨt'a.

Gálata 6:18

Ũpẽarã, mɨa k'ɨ̃ria bɨma Tachi Chipari Jesucristopa ichi sõpiadepa ãarea mãra k'aripa bait'a. Mãɨya beese.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

2 Tesalonicense 3:15

Maamina ichi mãra ome chi nek'ĩramá jĩra uru p'anarãt'ɨ, mãɨpari mãra ũpẽa pẽra jarat'ɨ jĩp'a oomẽrá.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

Hebreo 12:13

O jĩp'a bɨde nipat'ɨ. Mãɨya chi ɨbɨwẽa berã baedaiwẽma mãɨyawẽapuru pia nipadaipɨ.

Hebreo 13:3

K'ɨ̃risia atuarãt'ɨ chi jɨ̃a nɨbɨpataɨ tede nɨbet'a, mãra sida ãchi ome eda serra p'anɨ jĩra. Chi ẽpẽrarãpa piawẽa oo p'anɨnepa minachia mĩa be k'ɨ̃risia atuarãt'ɨ mãra sida ãchi ome minachia mĩa p'anɨ jĩra.

Santiago 3:13

Mãra k'ɨ̃risia k'awa berã mãɨnepa ne k'awa berã k'ɨ̃risia p'anɨpɨra, pia nipapataɨdepa unupit'ɨ piarã mãɨya bet'a. Chi atepe k'ɨ̃risiadawẽa k'ɨ̃risiadepa pia oodai p'anɨma.

Santiago 3:2

Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

1 Juan 5:16

Mãranepema abaɨpa pɨ ũpẽapa nemietá tachi piupik'apɨ́ ooru unuipɨra, ɨt'aa chiidii bɨma. Mãɨya Tachi Ak'õrepa mãɨ k'ɨ̃risia atuak'ari, chok'ae bapiipɨ. Maamina ichiaba tachi piupiparí nemietá paraapɨ. Mɨa ɨt'aa chiidipade a jara bɨwẽma, chi mãɨ nemietá oopataɨrã k'orea.