Gálata 5:7 - Tachi Ak'õre Pedea

⁷ Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?

Gálata 5:7 ပူးပေါင်းရင်းမြစ်များ

Mateo 13:21

Maamina k'arra ɨ̃rɨa p'anɨẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽrarãpa mĩapiutade ãchia ĩjãa p'anana itu bɨpatama.

Hecho 6:7

Mãɨne ũpẽarãpa Tachi Ak'õre pedea minachia pedeapachidama. Mãɨya chi Jesude ĩjãapataɨrã Jerusalene atepe waripodosidama. Mãɨ awara minachia p'aarerã pida ĩjãasidama.

Romano 10:16

Maamina jõma judiorãpa chi pedea pia Cristo k'orea ĩjãanaé pasima. Isaía k'art'ade nãɨya bɨ bɨma: «Tai Chipari, taipa jaradada ¿k'aipa ĩjãasima?»

Romano 15:18

Maamina ara mɨchi k'orea mi ãpia pida pia pedeaiwẽma. Abapuru Cristopa mɨnepa ooda k'orea pia pedeaipɨ. Piarã mɨnepa Cristopa k'aripasima judiorãwẽpa Tachi Ak'õrene ĩjãanamẽrá. Mɨa jaratea bɨdepa, oo bɨdepa,

Romano 2:8

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

Romano 6:17

Naena mãra nemietá pae pari mimiapataɨrã pasima. Maamina jõma Tachi Ak'õre k'orea jarateadada sõnepa oo p'anɨ pẽra mɨa Tachi Ak'õrea sõpia bɨade aparima.

1 Corintio 9:24

Mãrapa k'awa p'anɨma ẽpẽrarã p'irapatama k'ai chi atepe ɨbɨa p'ira bɨt'a k'awadai k'orea. Mãɨne chok'ará p'irapatamina chi naa chedapuru ne jitaparima. Mãra sida isapea p'irauta jĩra jõma pia oot'ɨ Tachi Ak'õrepa teai jarada jitadai k'orea.

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

Gálata 2:2

Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Gálata 5:10

Maamina Tachi Chipari Jesucristodepa mɨa k'awa bɨma mãrapa mɨa jara bɨt'a awara k'ɨ̃risiadaiwẽma. Abaɨpa mãra mãɨya ooipɨra Tachi Ak'õrepa ɨtɨaipɨ.

Hebreo 11:8

Tachi Ak'õrepa Abrahaná jarasima ichia teai jaradamá wãmẽrá. Abrahanpa Tachi Ak'õrene ĩjãana pẽra, sãmá wãit'a atua bɨmina ichi tua ameek'ari wãsima.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.