Gálata 5:10 - Tachi Ak'õre Pedea

¹⁰ Maamina Tachi Chipari Jesucristodepa mɨa k'awa bɨma mãrapa mɨa jara bɨt'a awara k'ɨ̃risiadaiwẽma. Abaɨpa mãra mãɨya ooipɨra Tachi Ak'õrepa ɨtɨaipɨ.

Gálata 5:10 ပူးပေါင်းရင်းမြစ်များ

Hecho 15:24

Taipa ũrisidama waapẽarã ẽpẽerã nãmãɨpa mãramá wãnak'ari ãchia jaratea p'anɨ k'orea mãra sõk'achia p'aneenak'ari k'awa k'ɨ̃risiadawẽa p'aneesidama. Maamina mãɨ ẽpẽerãt'a taipa peedaé pasima.

1 Corintio 5:5

mãɨ ẽpẽra ɨtɨadamẽrá. Ichi ãyá bɨdai p'anɨma tiorepa minachia mĩapimẽrá. Mãɨya nãɨ k'ak'uapa nemietá oo k'ɨ̃ria bɨt'a itu bɨipɨ. Mãɨnepa Tachi Chipari chei ewaride ichi k'aripaipɨ.

2 Corintio 1:15

Mãra mɨ k'orea piarã arapaadai k'ɨ̃risia bɨ pẽra, naa mɨa k'ɨ̃risia basima bari k'ak'o ume mãra ak'ɨde wãit'a minachia k'aripai k'orea.

2 Corintio 10:2

Mãɨya jara p'anɨmina mãramá cherude tai k'orea k'achia pedea p'anɨrã mɨa piarã ɨtɨaipɨ. Ãchia jara p'anɨma tai nãɨ k'ak'uapa k'ɨ̃ria bɨ jĩra nipada. Mãɨpuru mãra sida ɨtɨaemaapa mɨa chichupuria idiruma jĩp'a oodamẽrá.

2 Corintio 10:6

Taipa ũpẽarã k'ɨɨrɨwẽa be ɨtɨadai k'orea p'anɨma. Maamina naa nɨ p'anɨma mãrapa Cristode nejõmane ĩjãa p'anɨt'a unupidamẽrá.

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

2 Corintio 2:3

Mãɨ k'orea mãra ak'ɨde wãi k'aepẽra k'art'a tea peesima. Mãɨya mɨ wãrune mãrapa mɨ sõp'uapidaiwẽma. Mãrapa mɨ arapaapidai p'anɨma. Mɨa k'awa bɨma mãrapa mãɨya oodai pẽra mɨ ome ará arapá p'ananait'a.

2 Corintio 2:6

Perá jõma mãranepemarãpa mãɨ ẽpẽra nemietá ooda k'orea ɨtɨasidama. Ara mãɨpa arí bɨma.

2 Corintio 5:16

Mãɨ k'orea nãɨ ĩjũanepemarãpa waapẽarã ak'ɨpata jĩra naapae taipa mãɨya ak'ɨdak'ama. Naena taipa Cristo k'orea mãɨya k'ɨ̃risia p'anɨmina naapae mãɨya oodak'ama.

2 Corintio 7:16

Naapae mɨ sida arapá bɨma. Mɨa k'awa bɨma mãrapa piarã jĩp'a oo p'ananait'a.

2 Corintio 8:22

Mãɨ ũpẽarã ume p'anɨ mãramá wãutade abaɨ ũpẽa ãchi ome peedaipɨ. Mãɨ ũpẽapa ewaricha taiyá unupisima ũpẽarã minachia k'aripa k'ɨ̃ria bɨt'a. Idiapae mãra minachia k'aripa k'ɨ̃ria bɨma mãrapa jĩp'a oodai k'awa bɨ pẽra.

Gálata 1:7

Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

Gálata 2:4

Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

Gálata 2:6

Chi atepe k'awa p'anɨane apataɨ ũpẽarãpa k'ɨ̃risia awara jaradaé pasima mɨa jarateamẽrá. Mãɨpari k'awasidama Tachi Ak'õrepa mɨ peesit'a, chi pedea pia Cristo k'orea judiorãwẽmá jarateamẽrá Pedro judiorãmá peeda jĩra. (Ãchi chi atepe k'awa p'anɨane apatamina mɨa mãɨ minachia k'ɨ̃risiak'ama, Tachi Ak'õrepa tachi k'ĩra awara unuk'a pẽra).

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Gálata 4:11

Mãɨpuru mɨa k'ɨ̃risia bɨma mɨ pari mãrá jarateasit'a.

Gálata 4:17

Mãra t'ãena chi piawẽa jarateapataɨrãpa nejõma oo p'anɨma mãrapa ãchi pedea ĩjãanamẽrá. Maamina ãchia mãɨya oodak'ama mãra k'aripadai k'orea. Mãra taidepa ãyá atee k'ɨ̃ria p'anɨma sõnepa ãchi ome p'ananamẽrá.

Gálata 4:20

¡Mɨ ara nãɨena mãra ome badapara k'awai pasima sãmaasã́ mãra ome pedeai bɨt'a! Mɨa piarã atua bɨma mãra k'orea sãmaasã́ k'ɨ̃risiait'a.

Gálata 5:12

Mɨmá ¡pia bɨma chi mãra mãɨya waa oo bepa ãchi ɨmɨk'ĩra k'ak'ua bɨat'upidait'a!

Gálata 5:7

Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?

Gálata 6:17

Chi Jesudepema pedea jaratea bɨ k'orea ẽpẽrarãpa mɨ piawẽa oosidama. Mɨ k'ak'ua k'õk'oadada pada ya anik'ari uru bɨma mãɨya unupii k'orea mɨ ichidit'a. Mãɨpuru idiipa waa mɨa k'ɨ̃riawẽma abaɨ pida mɨ waa ooit'a.

P'ilipense 3:15

Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ.

2 Tesalonicense 3:4

Tachi Chiparidepa k'awa p'anɨma taipa jarateadada mãrapa piarã oo p'anɨ mãɨnepa oopododaipɨ.

1 Timoteo 1:20

Mãɨnepemarã aba Himeneo pasima. Abaɨ Alejandro pasima. Ãchi mɨa tiore juade bɨsima k'awadamẽrá Tachi Ak'õre k'orea waa piawẽa pedeapidaemaapa.

P'ilemón 1:21

Mɨa mãɨya bɨruma k'awa bɨ pẽra pɨa mɨ pedea ĩjãait'a. K'awa bɨma mɨa jara bɨ k'aepẽra atepe pia ooit'a.