Gálata 5:1 - Tachi Ak'õre Pedea

¹ Cristopa tachi k'aripasima mãɨ pari ãjã́ p'ananamẽrá. Mãɨ minachia ĩjãa p'anat'ɨ. Chi chipari pae pari mimiapataɨrã jĩra mãicha p'anarãt'ɨ.

Gálata 5:1 ပူးပေါင်းရင်းမြစ်များ

Mateo 23:4

Ãchia ẽpẽrarã́ ne chaarea oopipatama, ne chɨk'ɨa at'oopi p'anɨ jĩra. Maamina mãɨ ãchia mi ãpia pida k'aripadak'ama mãɨ oodamẽrá.

Luca 5:38

Mãɨpuru uvaba chiwidi ãnimara e ooda chiwidide t'ɨɨdai p'anɨma. Mãɨya umea tãaraa choadaipɨ.

Hecho 15:10

Mãrapa ¿k'ãre k'orea Tachi Ak'õrepa k'awapida itu bɨ p'anɨma? ¿Ichia sãmaasã́ ooi k'awai k'orea mãɨya p'anɨk'ãra? Tachia mãɨnepa tachi chõarãenapemarãpa Moisepa bɨda mãɨ ãarea p'ue oodak'a pasima, mũra ɨ̃rɨ minachia chɨk'ɨa at'oopari jĩra. ¿K'ãre k'orea chi judiorãwẽa mãɨ oopi k'ɨ̃ria p'anɨma?

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

Romano 6:18

Mãra nemietá oodaadadepema pari ãjã́ p'aneenak'ari Tachi Ak'õre pae pari mimiapataɨrã p'aneesidama jĩp'a oodai k'orea.

Romano 7:6

Maamina Moisepa bɨdadepa p'anana tachi pari ãjã́ p'aneesidama. Mãɨnepema piusida pẽra naapae Tachi Ak'õre pae nepia oodaipɨ ichi Jaoredepa. Waa k'ɨ̃risiadaiwẽma Moisepa bɨdadepa mãɨya oodait'a.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

2 Corintio 3:17

«Tachi Chipariade» arude «Tachi Ak'õre Jaore» jara bɨma. Tachi Chipari Jaoredepa nipautade, ichia nemietaade mãɨnepa Moisepa bɨdade jɨ̃ uru p'anana jĩra bɨdepema k'ẽet'aapiparima.

Gálata 2:4

Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

Gálata 3:25

Maamina idiapae tachia Cristode ĩjãa p'anɨ pẽra Moisepa bɨdapa tachi p'e ua bɨwẽma.

Gálata 4:26

Maamina chi pajãnepema Jerusalén p'uuru Sara jĩra bɨma mãɨ p'uurudepemarã chipari pae pari mimiapataɨrã jĩra p'anɨwẽ pẽra. Mãɨya p'anɨma Moisepa bɨdade ĩjãa p'anɨwẽ pẽra. Tachi mãmapema pẽra Sara warrarã jĩra p'anɨma.

Gálata 4:31

Mãɨpuru ũpẽarã, tachi chi chipari pae pari mimiaparí wẽra warrarã jĩra p'anɨwẽma. Mãɨpari chi chipari pae pari mimiapariwẽ warrarã jĩra p'anɨma.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Ep'esio 6:14

Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

1 Tesalonicense 3:8

Jãapae tai piarã sõpia p'aneesidama, k'awa p'anɨ pẽra mãrapa Tachi Chiparide choa p'anɨt'a.

2 Tesalonicense 2:15

Mãɨpuru ũpẽarã, chaarea p'anat'ɨ. Taipa jarateadada mãɨnepa k'art'ade bɨdada k'ɨ̃risia atuarãt'ɨ.

Hebreo 10:23

Tachi Ak'õre pedea auda pẽra tachia nɨ p'anɨt'a mãɨnepa mãɨ k'orea ãareaɨrã́ jara p'anɨt'a mi ãpia pida k'ẽet'aadaiwẽa p'anɨma.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.

Apocalipsi 2:25

Mãɨyawẽapuru choa p'anat'ɨ mɨne ĩjãa p'anɨnepa aba mɨ cherudea.

Apocalipsi 3:3

Chi piarãpẽa pedea mãrapa ũrinana k'ɨ̃risia p'anat'ɨ. Mãɨne pia ĩjãat'ɨ. Nemietá itu bɨdak'ari Tachi Ak'õremá chet'ɨ. Mãra taujĩra p'ananaepɨra mɨ cheipɨ mãra ɨtɨai k'orea chi nechɨaparí atua nɨbɨde chepari jĩra.