Gálata 4:6 - Tachi Ak'õre Pedea

⁶ Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Gálata 4:6 ပူးပေါင်းရင်းမြစ်များ

Marco 14:36

Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

Luca 11:2

Jesupa jarasima: —Mãrapa Tachi Ak'õrea ɨt'aa chiidiutade nãɨya chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma. Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. [Ichiaba k'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.]

Juan 14:16

Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

Hecho 16:7

Misia tuade wãsidaɨde k'ɨ̃risiasidama Bitinia p'uurudea wãnait'a, maamina Jesú Jaorepa mãmá pida itu wãpié pasima.

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

2 Corintio 3:17

«Tachi Chipariade» arude «Tachi Ak'õre Jaore» jara bɨma. Tachi Chipari Jaoredepa nipautade, ichia nemietaade mãɨnepa Moisepa bɨdade jɨ̃ uru p'anana jĩra bɨdepema k'ẽet'aapiparima.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

P'ilipense 1:19

mɨa k'awa bɨ pẽra mɨ nãmapema awara wãit'a, mãrapa Tachi Ak'õrea ɨt'aa chiidi p'anɨ pẽra mãɨnepa Jesucristopa teada Jaorepa k'aripa bɨ pẽra.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Juda 1:20

Maamina ũpẽarã, ara machi k'ak'awá k'aripat'ɨ Cristode ĩjãanamẽrá. Tachi Ak'õrea ichi Jaoredepa ɨt'aa chiidit'ɨ.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.