Gálata 4:2 - Tachi Ak'õre Pedea

² Chi k'aepe bɨ warra ichi ak'ɨpataɨrã juade bɨma, mãɨnepa ichi ak'õrené neet'á atai bɨt'a, chi waapẽarãpa ak'ɨpatama aba chi ak'õrepa jarada ewaridea.

Gálata 4:2 ပူးပေါင်းရင်းမြစ်များ

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

Gálata 3:24

Piarã Moisepa bɨdapuru tachi ua basima aba tachia Cristode ĩjãautadea. Cristo chek'ari ichide ĩjãa p'anɨ k'orea Tachi Ak'õrepa tachi chi ichidirã jĩp'a berã paara bɨparima.

Gálata 4:1

Mɨa jara bɨt'a nãɨ jĩra bɨma: warrapa ichi ak'õrené neet'á ãarea jitai bɨmina, ichi k'aepe bɨmisa, ichi ak'õre pae pari mimiaparí jĩra bɨma.

Gálata 4:3

Ara mãɨ jĩra Cristode ĩjãanai naena tachi warra chak'e jĩra p'anasima. Mãɨ ewaride tachia chi nãɨ ĩjũanepema jaore chaarearãne ĩjãa p'anasidama, chi chipari pae pari mimiaparí jĩra.