Gálata 4:18 - Tachi Ak'õre Pedea

¹⁸ Piarã pia bɨma ewaricha k'ɨ̃risia pia sõnepa ĩjãa p'ananait'a. Maamina mãɨya p'ananaiwẽa p'anɨma mɨ aba mãra ome bɨdeepuru. Mãɨpari mɨ newẽne pida mãɨya ĩjãanai p'anɨma.

Gálata 4:18 ပူးပေါင်းရင်းမြစ်များ

Juan 2:17

Mãɨne ichi ome p'ɨrrɨapataɨrãpa k'ɨ̃risiasidama Tachi Ak'õre pedeade nãɨya bɨ bɨt'a: «Mɨa pɨ te minachia k'ɨ̃ria bɨ pẽra mɨ peapidaipɨ».

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Gálata 4:13

K'awa p'anɨma mɨa mãramá pedea pia Cristo k'orea naa jarade wãside, mɨ k'ɨdade bada pẽra mãramá jaratea beesit'a.

Gálata 4:17

Mãra t'ãena chi piawẽa jarateapataɨrãpa nejõma oo p'anɨma mãrapa ãchi pedea ĩjãanamẽrá. Maamina ãchia mãɨya oodak'ama mãra k'aripadai k'orea. Mãra taidepa ãyá atee k'ɨ̃ria p'anɨma sõnepa ãchi ome p'ananamẽrá.

Gálata 4:20

¡Mɨ ara nãɨena mãra ome badapara k'awai pasima sãmaasã́ mãra ome pedeai bɨt'a! Mɨa piarã atua bɨma mãra k'orea sãmaasã́ k'ɨ̃risiait'a.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.