Gálata 4:16 - Tachi Ak'õre Pedea

¹⁶ Mɨa piarãpẽa pedeadepa ɨtɨa bɨ pẽra ¿mɨ mãra ome chi nek'ĩramá paik'ãra?

Gálata 4:16 ပူးပေါင်းရင်းမြစ်များ

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Juan 8:45

Mɨa piarã pedea jara bɨmina mãrapa mɨ pedea ĩjãanak'ama.

Gálata 2:14

Maamina mɨa unusima ãchi piarã chi pedea pia Cristo k'orea jara bɨ jĩra nipadawẽa p'anasit'a. Mãɨpuru mɨa Pedro jõmãɨrã ũpẽarã k'ĩrari nãɨya ɨtɨasima: «Pɨ judiomina, judio jĩra bak'ama. Mãɨpari judiowẽ jĩra baparima. Mãɨ ¿k'ãre k'orea judiorãpa oopataɨ, pɨa ũpẽarã judiorãwẽa oopi bɨma?»

Gálata 2:5

Maamina ãchia jaradada taipa mi ãpia pida ĩjãanaé pasima, mãrapa pedea pia Cristo k'orea chi piarãt'a ewaricha uru p'ananamẽrá.

Gálata 4:15

¿K'ãasãasima mãra naena arapá p'ananat'a? Mɨa piarã jararuma mãrapa p'ue oodaipara, ara machi tau noet'ai pasima mɨá teadai k'orea.

Gálata 4:17

Mãra t'ãena chi piawẽa jarateapataɨrãpa nejõma oo p'anɨma mãrapa ãchi pedea ĩjãanamẽrá. Maamina ãchia mãɨya oodak'ama mãra k'aripadai k'orea. Mãra taidepa ãyá atee k'ɨ̃ria p'anɨma sõnepa ãchi ome p'ananamẽrá.

Gálata 5:7

Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?