Gálata 4:12 - Tachi Ak'õre Pedea

¹² Ũpẽarã, mɨ mãra jĩra bai k'orea, Moisepa bɨda itu bɨsima. Mãɨpuru mɨa mãrá chichupuria idiruma mɨ jĩra mãɨ Moisepa bɨdade p'anapidaemaapa. Naena mãrapa mɨ k'achia oodaé pasima, mãɨpari mɨ ome pia p'anasima.

Gálata 4:12 ပူးပေါင်းရင်းမြစ်များ

Hecho 21:21

Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a.

2 Corintio 2:5

Piarã abaɨpa nemietá oo bɨ k'orea mɨ sõp'uapisima. Maamina mɨ́awapuru sõp'uapié pasima, mãɨpari perá jõma mãra sida sõp'uapisima. («Perá jõma mãra» mɨa jara bɨma, ichia ooda atepe nemietá bɨade aiwẽ pẽra).

2 Corintio 6:11

Ũpẽarã Corinto p'uurudepemarã, taipa sõnepa mãra minachia k'ɨ̃ria p'anɨ pẽra mãɨya piarã jara p'anɨma.

2 Corintio 6:13

Mãɨpuru mɨa mãrá chichupuria idiruma ak'õrepa ichi warrarã́ chichupuria idipari jĩra: taipa sõnepa mãra k'ɨ̃ria p'anɨ jĩra mãra pida machi sõnepa tai k'ɨ̃ria p'anat'ɨ.

Gálata 2:14

Maamina mɨa unusima ãchi piarã chi pedea pia Cristo k'orea jara bɨ jĩra nipadawẽa p'anasit'a. Mãɨpuru mɨa Pedro jõmãɨrã ũpẽarã k'ĩrari nãɨya ɨtɨasima: «Pɨ judiomina, judio jĩra bak'ama. Mãɨpari judiowẽ jĩra baparima. Mãɨ ¿k'ãre k'orea judiorãpa oopataɨ, pɨa ũpẽarã judiorãwẽa oopi bɨma?»

Gálata 4:11

Mãɨpuru mɨa k'ɨ̃risia bɨma mɨ pari mãrá jarateasit'a.

Gálata 4:13

K'awa p'anɨma mɨa mãramá pedea pia Cristo k'orea naa jarade wãside, mɨ k'ɨdade bada pẽra mãramá jaratea beesit'a.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

Gálata 6:18

Ũpẽarã, mɨa k'ɨ̃ria bɨma Tachi Chipari Jesucristopa ichi sõpiadepa ãarea mãra k'aripa bait'a. Mãɨya beese.