Gálata 3:16 - Tachi Ak'õre Pedea

¹⁶ Ara mãɨ jĩra Tachi Ak'õrepa Abrahaná, mãɨnepa chi ichidepa unui bɨa jarasima ichia jõmãɨrã k'aripait'a. Tachi Ak'õre pedeade bɨwẽa bɨma «Abrahanepa unui ẽpẽrarã» chok'ará ẽpẽrarã jara bɨ jĩra. Mãɨpari bɨ bɨma Tachi Ak'õrepa chi Abrahanepa unui bɨa mãɨya jarasit'a abapuru pedea bɨ pẽra. Mãɨ Cristopɨ.

Gálata 3:16 ပူးပေါင်းရင်းမြစ်များ

Mateo 1:1

Nãɨ k'art'a Jesucristo k'orea jara bɨpɨ. Jesucristo tachi chõarãenapemarã Abrahanepa mãɨnepa Davidepa nãɨya unusima.

Hecho 3:25

Tachi Ak'õrepa ãchidepa pedeada ɨt'aa chiidi piarã unu p'anɨma. »Mãɨ awara Tachi Ak'õrepa mãra chõarãenapemarã ome pedea ausima. Ichia Abrahaná nãɨya jarasima: “Mɨa pɨdepa unurunepa nãɨ ĩjũane be p'uuru ãarea k'aripaipɨ”. Mãɨ pedea auda mãrapa idi piarã unu p'anɨma.

Romano 12:5

Ara mãɨ jĩra tachi chok'ará p'anɨmina, Cristo ome p'anɨ pẽra k'ak'ua aba bɨ jĩra p'anɨma. Mãɨya tachi jõmãɨrã k'ak'ua abaɨde ará p'anɨma.

Romano 4:13

Tachi Ak'õrepa Abrahaná mãɨnepa ichidepa chedai pada ẽpẽrarã́ nãɨ ĩjũa teayade asima. Maamina mãɨya jaraé pasima Abrahanpa Moisepa bɨda uru bɨda pẽra. Mãɨpari mãɨya jarasima Abrahán nepɨra newẽa bɨade a jarada pẽra. Mãɨya nepɨra newẽa bɨade a jarasima Abrahanpa ichide ĩjãana pẽra.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 9:4

chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.

1 Corintio 12:12

Tachi k'ak'ua aba bɨmina tachi k'ak'uade nejõma uru p'anɨma. Chi Cristo ichide ĩjãapataɨrã ome ara mãɨ jĩra p'anɨma.

1 Corintio 12:27

Ara mãɨ jĩra mãra jõma ara Cristo k'ak'ua jĩra p'anɨma. Mãra ichi k'ak'uadepemarãpɨ.

2 Corintio 11:22

Ãchi hebreorãane a p'anɨma. ¿Mɨ sida ara abaɨwẽk'ãra? Ãchi israeldepemarãane a p'anɨma. ¿Mɨ sida ara abaɨwẽk'ãra? Ãchi Abrahán warrarãane a p'anɨma. ¿Mɨ sida ara abaɨwẽk'ãra?

Gálata 3:19

Mãɨyara ¿Tachi Ak'õrepa k'ãre k'orea Moisepa bɨda ichiá bɨpisima? Mãɨya oosima ẽpẽrarãpa nemietá oopataɨ k'awadamẽrá. Ẽpẽrarã mãɨ Moisepa bɨdadepa p'anasidama aba Abrahanepa unui bada cherudea, ichidepa Tachi Ak'õrepa k'aripayade ada pẽra. Tachi Ak'õrepa mãɨ Moisepa bɨda Ichia ɨt'aripa peedaɨrãnepa teasima. Mãɨ teak'ari Moisepa ẽpẽrarã́ teasima.

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Ep'esio 5:32

Mãɨ pedeapa k'ɨ̃risia minachia bɨ k'awawẽa p'anana k'awapi bɨma. Mɨa jara bɨma Cristo ichi ẽpẽrarã ome ará p'anɨnepema.

Colosense 2:19

Ãchi Tachi Chipari Cristo ome p'anɨwẽma. Maamina Cristo ẽpẽrarãpa ichidepa nejõma uru p'anɨma ichi ome ará pia p'ananai k'orea. Ichidepa tachi waripatama Tachi Ak'õrepa waripi bɨ jĩra.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.