Gálata 2:4 - Tachi Ak'õre Pedea

⁴ Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

Gálata 2:4 ပူးပေါင်းရင်းမြစ်များ

Luca 5:38

Mãɨpuru uvaba chiwidi ãnimara e ooda chiwidide t'ɨɨdai p'anɨma. Mãɨya umea tãaraa choadaipɨ.

Hecho 15:1

Mãɨ ewaride chi eda waapẽarã Judea tuadepemarã Antioquía p'uurudea chesidama. Ãchia ũpẽarã judiorãwẽa jaratea p'aneesidama Moisepa bɨda jĩra ɨmɨk'ĩra k'ak'ua tauchaadaepɨra, Tachi Ak'õrepa ãchi k'aripaiwẽt'a.

Hecho 15:24

Taipa ũrisidama waapẽarã ẽpẽerã nãmãɨpa mãramá wãnak'ari ãchia jaratea p'anɨ k'orea mãra sõk'achia p'aneenak'ari k'awa k'ɨ̃risiadawẽa p'aneesidama. Maamina mãɨ ẽpẽerãt'a taipa peedaé pasima.

Hecho 20:30

Ara machidepemarã pida sea jarateadaipɨ Jesude ĩjãapataɨrã ãyá wãnamẽrá.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

2 Corintio 11:13

Ãchi Cristopa peedaɨrãwẽma, mãɨpari waapẽarã seapataɨrãpɨ. Seadepa k'ɨ̃risiapipatama ãchi Cristopa peedaɨrãpɨ.

2 Corintio 11:17

Ara mɨ k'orea pia pedea bɨde Tachi Chiparipa mãɨya pedeapiwẽa bɨma, mãɨpari mɨ k'ɨ̃risia newẽa bɨ jĩra pedea bɨma.

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

2 Corintio 11:26

Mɨ ode wãrune, to k'achiade nipapachima mãɨnepa nechɨapataɨ mietaarã paraamá nipapachima. Ara mɨ ẽpẽrarã judiorã t'ãena mãɨnepa judiorãwẽ t'ãena mɨ nepɨrade basima. Mãɨ p'uuru wawaria bede mãɨnepa p'uuru awaraɨde mɨ nepɨrade basima. P'usade pida nepɨrade basima. Chi ũpẽarã piarãpemawẽmá pida mɨ nepɨrade basima.

2 Corintio 3:17

«Tachi Chipariade» arude «Tachi Ak'õre Jaore» jara bɨma. Tachi Chipari Jaoredepa nipautade, ichia nemietaade mãɨnepa Moisepa bɨdade jɨ̃ uru p'anana jĩra bɨdepema k'ẽet'aapiparima.

Gálata 1:7

Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

Gálata 4:25

Chi Sinaí eya Arabia tuade bɨ Agar jĩra bɨma, chi mãɨ eyade teada Moisepa bɨdade ĩjãa berã, chipari pae pari mimiapataɨrã jĩra p'anɨ pẽra. Mãɨnepa chi nãɨ ĩjũanepema Jerusalén p'uuru, Agar jĩra bɨma mãɨ p'uurudepemarã chipari pae pari mimiapataɨrã jĩra p'anɨ pẽra.

Gálata 4:3

Ara mãɨ jĩra Cristode ĩjãanai naena tachi warra chak'e jĩra p'anasima. Mãɨ ewaride tachia chi nãɨ ĩjũanepema jaore chaarearãne ĩjãa p'anasidama, chi chipari pae pari mimiaparí jĩra.

Gálata 5:1

Cristopa tachi k'aripasima mãɨ pari ãjã́ p'ananamẽrá. Mãɨ minachia ĩjãa p'anat'ɨ. Chi chipari pae pari mimiapataɨrã jĩra mãicha p'anarãt'ɨ.

Gálata 5:10

Maamina Tachi Chipari Jesucristodepa mɨa k'awa bɨma mãrapa mɨa jara bɨt'a awara k'ɨ̃risiadaiwẽma. Abaɨpa mãra mãɨya ooipɨra Tachi Ak'õrepa ɨtɨaipɨ.

2 Timoteo 3:6

Mãɨ ẽpẽrarã techa sea jara wãpatama chi wẽerã t'ajuwẽa be mãɨnepa nemietá minachia oopataɨ be p'uedai k'orea. Mãɨ wẽerãpa ãarea nemietá oo k'ɨ̃ria bɨdepa paritua ĩjãapatama.

Santiago 1:25

Maamina abaɨpa Tachi Ak'õre pedea ũrik'ari k'ɨ̃risia atuawẽpɨra, minachia pia baipɨ. Ẽpẽrapa mãɨ pedea jĩp'a bɨ mãɨnepa tachi k'aripa bɨ ewaricha pia k'ɨ̃risiak'ari maapae oo baipɨra, ichia oo bɨdepa minachia pia baipɨ.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.

Juda 1:4

Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.