Gálata 2:2 - Tachi Ak'õre Pedea

² Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

Gálata 2:2 ပူးပေါင်းရင်းမြစ်များ

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Hecho 15:12

Bernabepa mãɨnepa Pablopa nepɨrɨsidama Tachi Ak'õrepa ẽpẽerãpa ne p'ue oodak'apɨ́ ãchidepa judiorãwẽ t'ãena oosit'a. Mãɨpa k'awapisima ichi ãchi ome bɨt'a. Mãɨne ãareaɨrãpa k'ĩup'ea ũri tuanasidama.

Hecho 15:2

Mãɨpuru Pablo mãɨnepa Bernabé ãchi ome minachia k'ĩruu pedeasidama. Ũpẽarãpa Pablo, Bernabé mãɨnepa chi eda waapẽarã Jerusalenea peesidama chi Jesupa peedaɨrã ome mãɨnepa ũpẽarã ak'ɨpataɨrã ome mãɨ k'orea ará pedeadamẽrá.

Hecho 15:4

Jerusalene chesidaɨde Jesupa peedaɨrãpa, ũpẽarãpa mãɨnepa chi ũpẽarã ak'ɨpataɨrãpa ãchiá pia chesidade asidama. Mãɨne Pablo mãɨnepa Bernabepa ãarea Tachi Ak'õrepa ãchidepa judiorãwẽ t'ãena oodat'a nepɨrɨsidama.

Hecho 18:9

Ewariaba teamasi Pablopa k'ãmok'araa jĩra unusima Tachi Chiparipa ichiá nãɨya jararut'a: «Ne wap'earãse. Jaratea base. K'ĩup'earãse.

Hecho 23:11

Mãɨ teamasi Tachi Chipari Pablomá unupik'ari nãɨya jarasima: «Pablo, sõpia base. Mɨ k'orea nãma Jerusalene pedeada jĩra Roma p'uurude pida pedeai bɨma».

Hecho 5:34

Mãɨne p'ariseo Gamaliel apataɨ basima. Mãɨ Gamaliel Moisepa bɨda jarateaparí chi minachia k'awa bɨ pasima. Ãareaɨrãpa ichi minachia wap'ea p'anasidama. Gamaliel p'irabarik'ari chi Jesupa peedaɨrã tajatá ateewãpisima.

Romano 9:16

Piarã chi Tachi Ak'õrepa jɨrɨ ata bɨ ẽpẽra jɨrɨ atak'ama, mãɨ ẽpẽrapa oo bɨt'a pia unu bɨ pẽra, mãɨyawẽpɨra mãɨ chi ẽpẽrapa mãɨya k'ɨ̃ria bɨ pẽra. Mãɨpari chi ichia k'ĩra chupuria k'ɨ̃ria bɨt'a jɨrɨ ataparima.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

1 Corintio 9:24

Mãrapa k'awa p'anɨma ẽpẽrarã p'irapatama k'ai chi atepe ɨbɨa p'ira bɨt'a k'awadai k'orea. Mãɨne chok'ará p'irapatamina chi naa chedapuru ne jitaparima. Mãra sida isapea p'irauta jĩra jõma pia oot'ɨ Tachi Ak'õrepa teai jarada jitadai k'orea.

1 Corintio 9:26

Mãɨpuru ẽpẽra paritua p'ira wãru jĩra mɨa ook'ama. Mãɨnepa ẽpẽra jɨ̃aramá sĩk'oapari jĩra mɨ mãɨ jĩra chõok'ama.

2 Corintio 12:1

Mãicha ara mɨchi k'orea pia pedeaipɨ, mãɨpa waapẽarã k'aripak'amina. Tachi Chiparipa mɨá k'ãmok'araa jĩra unupida mãɨnepa k'awapida mɨa jararuma.

Gálata 1:12

Mãɨ pedea mɨa mi ãpia pida ẽpẽranepa k'awaé pasima. Mi ãpia pida ẽpẽrapa mɨá jarateaé pasima. Mãɨpari Jesucristopa mɨá k'awapisima.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Gálata 1:6

Mɨa k'awa k'ɨ̃risiawẽma sãmaasã́ mãrapa ɨ̃apachia Tachi Ak'õre jãɨya itu bɨsidat'a. Ichia mãra t'ɨ̃sima Cristo sõpiadepa k'aripai k'orea, maamina mãrapa chi eda waapẽarãpa pedea pia jĩra jara p'anɨt'a minachia ũri p'anɨma.

Gálata 2:6

Chi atepe k'awa p'anɨane apataɨ ũpẽarãpa k'ɨ̃risia awara jaradaé pasima mɨa jarateamẽrá. Mãɨpari k'awasidama Tachi Ak'õrepa mɨ peesit'a, chi pedea pia Cristo k'orea judiorãwẽmá jarateamẽrá Pedro judiorãmá peeda jĩra. (Ãchi chi atepe k'awa p'anɨane apatamina mɨa mãɨ minachia k'ɨ̃risiak'ama, Tachi Ak'õrepa tachi k'ĩra awara unuk'a pẽra).

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

Gálata 5:7

Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

P'ilipense 2:29

Ichiá sõpia pedeat'ɨ, Tachi Chiparide ĩjãa bɨ pẽra. Chi ichi jĩra be k'orea pia k'ɨ̃risiat'ɨ.

1 Tesalonicense 3:5

Mãɨ k'orea mɨa waa p'ue choawẽ pẽra Timoteo mãramá peesima wapida Cristode ĩjãa p'anɨ k'awai k'orea. Mɨa k'ɨ̃risia basima tiorepa mãrá Cristo itu bɨpisit'a. Mãɨyanapara taipa mãrá Cristo k'orea jarateadada pari beei pasima.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.