Gálata 2:16 - Tachi Ak'õre Pedea

¹⁶ Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Gálata 2:16 ပူးပေါင်းရင်းမြစ်များ

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Romano 1:17

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Romano 3:30

ichi aba bɨ pẽra. Ichia jõma Jesude ĩjãautat'a chi ichidirã jĩp'a berã paara bɨparima. K'ak'ua tauchaa berãpa mãɨnepa k'ak'ua tauchaawẽa berã pida Jesude ĩjãasidara chi ichidirã jĩp'a berã paara bɨparima.

Romano 4:2

Abrahanpa ne oo bɨdepa Tachi Ak'õrepa mãɨ chi ichidirã jĩp'a berã paara bɨdapara, ara ichi k'orea p'ue pia pedeai pasima. Maamina piarã Tachi Ak'õre k'ĩrari p'ue pia pedeaiwẽ pasima.

Romano 4:24

Mãɨpari tachi k'orea pida pedea bɨma, tachia ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra. Tachi Ak'õrepa Tachi Chipari Jesú piu bada chok'ae p'irabaripisima. Ara mãɨne tachia ĩjãa p'anɨma.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Romano 9:30

¿Mãɨpa k'ãre jara bɨma? Judiorãwẽpa jɨrɨdak'a pasima chi Tachi Ak'õre p'uuru jĩp'a bɨ padai k'orea. Maamina mãɨya p'aneesidama Cristode ĩjãanana pẽra.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Gálata 4:5

Tachi Ak'õrepa ichi peesima tachi mãɨ Moisepa bɨda juade beada k'aripak'ari ichi warrarã bɨi k'orea.

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.