Gálata 1:6 - Tachi Ak'õre Pedea

⁶ Mɨa k'awa k'ɨ̃risiawẽma sãmaasã́ mãrapa ɨ̃apachia Tachi Ak'õre jãɨya itu bɨsidat'a. Ichia mãra t'ɨ̃sima Cristo sõpiadepa k'aripai k'orea, maamina mãrapa chi eda waapẽarãpa pedea pia jĩra jara p'anɨt'a minachia ũri p'anɨma.

Gálata 1:6 ပူးပေါင်းရင်းမြစ်များ

Marco 6:6

Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima. Jesupa p'uuru chak'e becha jaratea wãsima.

Juan 9:30

Mãɨne tau p'ãrio badapa jarasima: —¿K'ãre k'orea mãrapa ichi sãmapemat'a atua p'anɨane a p'anɨma? ¿Ichia mɨ tau jɨpa beepié pasik'ãra?

Hecho 15:11

Tachia ĩjãa p'anɨma Tachi Chipari Jesupa ichi sõpiadepa tachi mãɨnepa ãchi k'aripait'a.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

2 Corintio 11:4

Tai awaraɨ chedapa Jesú k'orea taipa jarateadada awara jaratearude, wa chi Tachi Ak'õre Jaore mãrapa jitadada k'orea awara jaratearude mãrapa minachia ĩjãapatama. Ichiaba chi pedea pia mãrapa ĩjãanana awara jaratearude minachia ĩjãapatama.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

Gálata 1:11

Ũpẽarã, k'awat'ɨ pedea pia Cristo k'orea mɨa mãrá jarateada ẽpẽra k'ɨ̃risiadepemawẽma.

Gálata 1:15

Maamina mɨ t'õi naena Tachi Ak'õrepa mɨ jɨrɨ atasima, mãɨnepa ichi piadepa mɨ t'ɨ̃sima ichi pae pari mimiaparí bamẽrá. Ichia k'ɨ̃risiada jĩra,

Gálata 1:7

Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

Gálata 2:14

Maamina mɨa unusima ãchi piarã chi pedea pia Cristo k'orea jara bɨ jĩra nipadawẽa p'anasit'a. Mãɨpuru mɨa Pedro jõmãɨrã ũpẽarã k'ĩrari nãɨya ɨtɨasima: «Pɨ judiomina, judio jĩra bak'ama. Mãɨpari judiowẽ jĩra baparima. Mãɨ ¿k'ãre k'orea judiorãpa oopataɨ, pɨa ũpẽarã judiorãwẽa oopi bɨma?»

Gálata 2:2

Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

Gálata 2:5

Maamina ãchia jaradada taipa mi ãpia pida ĩjãanaé pasima, mãrapa pedea pia Cristo k'orea chi piarãt'a ewaricha uru p'ananamẽrá.

Gálata 5:14

Moisepa bɨda nãɨ pedea aba ãarea jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

2 Tesalonicense 2:14

Taipa chi pedea pia jaratea p'anɨnepa Tachi Ak'õrepa mãra t'ɨ̃sima Tachi Chipari Jesucristo pia bɨdepema atadamẽrá.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.

1 Timoteo 1:3

Mɨa pɨá chichupuria idida jĩra Macedonia tuadea wãside, aba mãicha jararuma: Ep'esode beese, chi ne awara jarateapataɨrã́ waa jarateapidaemaapa.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

2 Timoteo 2:1

Warra, Jesucristo sõpiadepa chaarea base.

1 Pedro 1:15

Tachi Ak'õrepa mãra t'ɨ̃sima. Ichi ne ãareaɨne jĩp'a bɨma. Mãɨpuru machia ooutacha jĩp'a p'anat'ɨ.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

Apocalipsi 22:21

Mɨa k'ɨ̃ria bɨma Tachi Chipari Jesupa ichi sõpiadepa jõma mãra k'aripa bait'a. Mãɨya beese.