Gálata 1:23 - Tachi Ak'õre Pedea

²³ Ãchia abapuru ũripachidama ũpẽarãpa nãɨya jara p'anɨt'a: «Chi tachi piawẽa ooi k'orea ẽp'ẽ badapa, idiapae jaratea nima, jõmãɨrãpa Cristode ĩjãanamẽrá. Naena mãɨ ichia jõpi k'ɨ̃ria basima».

Gálata 1:23 ပူးပေါင်းရင်းမြစ်များ

Hecho 19:13

Chi eda waapẽarã judiorãpa jaore mietá ãyá jerek'oapachidama. Mãɨrãpa Tachi Chipari Jesú t'ɨ̃nepa jaore mietá ẽpẽerã k'ak'uadepema ãyá jeret'aadayá oo p'anasidama. Nãɨya jarapachidama: «Chi Pablopa jaratea bɨ Jesú t'ɨ̃nepa mɨa jararuma: ãyá wãse».

Hecho 6:7

Mãɨne ũpẽarãpa Tachi Ak'õre pedea minachia pedeapachidama. Mãɨya chi Jesude ĩjãapataɨrã Jerusalene atepe waripodosidama. Mãɨ awara minachia p'aarerã pida ĩjãasidama.

Hecho 9:13

Mãɨne Ananiapa p'anoosima: —Mɨ Chipari, mɨa jãɨ ẽpẽra k'orea ũri bɨma. Minachia jarapatama Jerusalene ichia pɨ ẽpẽerã minachia mĩapi bɨt'a.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Hecho 9:21

Ãarea mãɨ ũriutapa k'awa k'ɨ̃risiadaé pasima. Ãchia nãɨya idi tuanasidama: «¿Nãɨwẽk'ãra chi Jerusalene Jesude ĩjãapataɨrã jõpi k'ɨ̃ria badat'a? ¿Nãma che bɨwẽk'ãra ãchi p'aarerã chi mãɨrã chaarearãmá jɨ̃a nɨbɨyá ateewãyá k'ɨ̃ria badat'a?»

Hecho 9:26

Saulo jĩitea Jerusalenea wãside chi Jesude ĩjãapataɨrã ome bee k'ɨ̃ria basima. Maamina ichi wap'ea p'anasidama. Ãchia ĩjãanawẽa p'anasidama ichia piarã Jesude ĩjãa bɨt'a.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.