Gálata 1:2 - Tachi Ak'õre Pedea

² Mɨa nãɨ k'art'a bɨruma ũpẽarã Galacia tuadepemarã pae. Jõma ũpẽarã mɨ ome p'anɨrãpa k'ɨ̃ria p'anɨma,

Gálata 1:2 ပူးပေါင်းရင်းမြစ်များ

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 18:23

Pablo mãma tãaraa bak'ari Galacia tuade mãɨnepa P'rigia tuade p'ɨrrɨasima. P'uurucha chi Jesude ĩjãapataɨrã́ jarateasima pia ĩjãanamẽrá.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

1 Corintio 16:1

Mãɨ awara mãrapa chi Jerusalenepema ũpẽarã pae erreara jɨrɨp'euta k'orea mɨa jararuma. Mɨa ũpẽarã Galacia tuadepemarã́ jarada jĩra oot'ɨ.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

P'ilipense 2:22

Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

P'ilipense 4:21

Jõma ẽpẽrarã Tachi Ak'õrenepemarã Jesucristo ome berã́ pia p'anapadade a jarat'ɨ. Ũpẽarã mɨ ome p'anɨ pida pia p'anapadade a jara p'anɨma.