Gálata 1:1 - Tachi Ak'õre Pedea

¹ Mɨ Pablopɨ, Jesucristopa peedapɨ. Ẽpẽrarãpa mɨ jɨrɨ atadaé pasima Jesucristopa peeda bamẽrá. Mãɨpari Jesucristopa mãɨnepa ichi Ak'õrepa, ichi piu bada chok'ae p'irabaripidapa mɨ mãɨya bɨsidama.

Gálata 1:1 ပူးပေါင်းရင်းမြစ်များ

Juan 10:30

Mɨ, mɨ Ak'õre ome aba p'anɨma.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Hecho 22:10

Mãɨne mɨa idisima: “Mɨ Chipari, ¿pɨa k'ãre k'ɨ̃ria bɨma mɨa ooit'a?” Tachi Chiparipa p'anoosima: “P'irabarik'ari Damasco p'uurudea wãse. Jãma jaraipɨ k'ãre ooi bɨt'a”.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Hecho 9:6

P'irabarik'ari Damasco p'uurudea wãse. Jãma jaraipɨ pɨa k'ãre ooi bɨt'a.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Romano 10:9

pɨ it'aedepa Jesú jõmãɨrã Chipariade aipɨra, mãɨnepa Tachi Ak'õrepa ichi chok'ae p'irabaripisit'a pɨ sõnepa ĩjãaipɨra, Tachi Ak'õrepa k'aripaipɨ.

Romano 14:9

Cristo piusima, piudaadarã Chipari pai k'orea. Mãɨnepa chok'ae p'irabarisima, chi chok'ae berã Chipari pai k'orea.

1 Corintio 1:1

Mɨ Pablopɨ. Tachi Ak'õrepa ichia k'ɨ̃riana pẽra mɨ t'ɨ̃sima Jesucristopa peeda pamẽrá. Tachi ũpẽa Sóstene mɨ ome bɨma.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

Gálata 1:15

Maamina mɨ t'õi naena Tachi Ak'õrepa mɨ jɨrɨ atasima, mãɨnepa ichi piadepa mɨ t'ɨ̃sima ichi pae pari mimiaparí bamẽrá. Ichia k'ɨ̃risiada jĩra,

Gálata 1:17

Mãɨnepa chi mɨ naa Jesucristopa peedaɨrã́ Jerusalenea idide wãé pasima. Mãɨpari mɨ Arabia tuadea wãsima. Mãɨya nak'ari Damasco p'uurudea jĩitea wãsima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

2 Timoteo 1:1

Mɨ Pablopɨ. Tachi Ak'õrepa, ichia k'ɨ̃riana pẽra mɨ Jesucristopa peedapɨ. Ichia mɨ peesima chi Tachi Ak'õrepa teai jarada chok'ae bai k'orea jarade wãmẽrá. Mãɨ chok'ae bai Jesucristodepa bɨpɨ.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 2:8

»Ũpẽarã Esmirna p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Naa bɨ mãɨnepa K'aadea bɨ, chi mãɨ piu bada ya chok'ae beedapa nãɨya jara bɨma: