Ep'esio 6:9 - Tachi Ak'õre Pedea

⁹ Ara mãɨya mãra chi chiparirã pida, chi mãra pae pari mimiapataɨrã pia oot'ɨ. Ãchi ɨtɨadayade arãt'ɨ. K'ɨ̃risiat'ɨ chi ãchi pajãnepema Chiparit'a ichiaba ara mãra Chiparipɨ. Ichia jõmãɨrã abarik'a ak'ɨparima.

Ep'esio 6:9 ပူးပေါင်းရင်းမြစ်များ

Mateo 22:10

Ara mãɨne ichi mimiapataɨrã o becha wãsidama. Ẽpẽrarã chok'ará enemeesidama; ẽpẽrarã pia berã mãɨnepa mietá berã. Mãɨya ẽpẽrarã minachia ará nɨbeesima miak'ãipataɨ tede.

Mateo 22:8

»Mãɨya bak'ari chi minachia k'awa bɨpa ichi mimiapataɨrã́ jarasima: “Mɨ warra miak'ãipataɨ arapaapataɨ ewari oodaipɨ, maamina mɨa mãɨ t'ɨ̃ peedarã ẽpẽrarã nãma p'ananai pia bɨwẽma.

Mateo 24:48

Maamina mãɨ mimiaparí sõk'achia baipɨra, ichi sõne “mɨ chipari tãaraayane” aipɨ.

Mateo 24:51

Maapae chi chiparipa minachia ɨtɨak'ari chi pia jĩra berã ome eda jɨ̃a nɨbɨpiipɨ. Mãma ãareaɨrã jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 7:12

Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Luca 6:31

Mãrapa k'ɨ̃ria p'anɨma waapẽarãpa mãra pia oodait'a. Ara mãɨ jĩra mãrapa waapẽarã pia oot'ɨ.

Juan 13:13

Mãrapa mɨ Jarateapariade apatama mãɨnepa mãra Chipariade apatama. Piarã arí jara p'anɨma, mãɨya bɨ pẽra.

Hecho 10:34

Mãɨne Pedropa jarasima: —Naapae mɨa k'awa bɨma chi Tachi Ak'õrepa abaɨ chi waapẽarã k'aepẽra atepe k'ɨ̃riak'at'a.

Romano 2:11

Tachi Ak'õrepa ẽpẽrarã ãarea abarik'a nepɨra ak'ɨipɨ.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

Colosense 3:25

Maamina chi piawẽa oo bɨ Tachi Ak'õrepa ɨtɨaipɨ. Ichia jõmãɨrã abarik'a ɨtɨaparima.

Colosense 4:1

Chiparirã, jĩp'a oot'ɨ chi mãra pae pari mimiapataɨrã ome. Mãra pida mãra Chipari pajãne uru p'anɨt'a k'awa p'anɨma.

Santiago 2:13

Chi waapẽarã k'ĩra chupuriak'aɨ Tachi Ak'õrepa nepɨra ak'ɨrude k'ĩra chupuriaiwẽma. Mãɨne chi waapẽarã k'ĩra chupuriapataɨ pia p'ananaipɨ.

Santiago 2:8

Mãrapa Moisepa bɨdadepema chi atepe bɨ piarã oo p'anɨpɨra, pia oo p'anɨma. Tachi Ak'õre pedeade mãɨ Moisepa bɨdade nãɨya jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Santiago 5:4

Mãra ne uu ĩjũa mimiapataɨrã́ erreara teadawẽa p'anɨma ãchia oodada pae. Mãɨpuru ãchia Tachi Ak'õrea ɨt'aa chiidi p'anɨma ɨtɨamẽrá. ¡Ũrit'ɨ! Ãchia ɨt'aa chiidi p'anɨt'a Tachi Chipari chi Ne Ãarea P'ue Bɨpa ũrisima.