Ep'esio 6:24 - Tachi Ak'õre Pedea

²⁴ Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

Ep'esio 6:24 ပူးပေါင်းရင်းမြစ်များ

Mateo 22:37

Jesupa nãɨya p'anoosima: —Chi naa bɨda nãɨya jara bɨma: “Ãarea pɨ sõnepa, ãarea pɨ jaoredepa mãɨnepa ãarea pɨ k'ɨ̃risiadepa pɨa pɨchi Chipari, Tachi Ak'õre k'ɨ̃riase”. Tachi Ak'õrepa oopi bɨ pedeadepema mãɨt'a chi atepe piipará bɨma.

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

2 Corintio 8:8

Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

Ep'esio 6:23

Ũpẽarã, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida mãra k'aripadait'a, chi k'ɨ̃ria p'ananamẽrá mãɨnepa pia ĩjãa p'ananamẽrá. Mãɨnepa k'ɨ̃ria bɨma ãchia mãra ne k'ɨ̃risiawẽa p'anapidamẽrá.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Colosense 4:18

Mɨ Pablopɨ. Ara mɨchi juapa bɨruma mɨa tea peerut'a ãchi arapá p'ananamẽrá. Mɨ eda jɨ̃a nɨbɨ uru p'anɨ k'orea Tachi Ak'õrea ɨt'aa chiidi p'anat'ɨ. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bamẽrá.

2 Timoteo 4:22

Mɨa k'ɨ̃ria bɨma Tachi Chipari Jesucristo pɨ ome bait'a mãɨnepa Tachi Ak'õrepa ichi sõpiadepa mãra k'aripa bai. Mãɨya beese.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

Tito 3:15

Jõma mɨ ome p'anɨpa pɨá pia bapade a jarautama. Chi taipa k'ɨ̃ria p'anɨ Cristode ĩjãapataɨrã́ pia p'anapade a jarase. Mɨa k'ɨ̃ria bɨma Tachi Ak'õrepa ichi sõpiadepa jõma mãra k'aripa bai.

Hebreo 13:25

Mɨa k'ɨ̃ria bɨma Tachi Ak'õrepa ichi sõpiadepa mãra ãarea k'aripa bait'a.