Ep'esio 6:21 - Tachi Ak'õre Pedea

²¹ Tachia k'ɨ̃ria p'anɨ ũpẽa Tik'ik'opa mɨ k'orea mãrá ãarea nepɨrɨipɨ k'awadamẽrá mɨ sãmaasã́ bɨt'a mãɨnepa k'ãre oo bɨt'a. Ichi Tachi Chipari pae pari pia mimiapari pẽra, ne ãareaɨne pia ooparima.

Ep'esio 6:21 ပူးပေါင်းရင်းမြစ်များ

Hecho 20:4

Ichi ome nãɨrã Asia tuadea wãsidama: chi Berea p'uurudepema Pirro warra Sópater, Tesalónica p'uurudepema Segundo mãɨnepa Aristarco, Derbe p'uurudepema Gayo; mãɨnepa Asia tuadepema Tík'ik'o mãɨnepa Tróp'imo. Timoteo sida ichi ome wãsima.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

P'ilipense 1:12

Ũpẽarã, mɨa mãrá k'awapii k'ɨ̃ria bɨma chi mɨ eda jɨ̃a nɨbɨdaadamina chi pedea pia Cristo k'orea atepe jaratea bɨt'a.

Colosense 1:7

Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

2 Timoteo 4:12

Ũpẽa Tík'ik'o mɨa Ep'esodea peesima.

Tito 3:12

Mɨa ũpẽa Artema wa ũpẽa Tík'ik'o pɨmá wãpiipɨ. Jãma pak'ari isapea Nicópoli p'uurudea mɨ ak'ɨde chese. Mɨa nãɨ ewãra bɨmisa, mãma bai k'ɨ̃risia bɨma.

P'ilemón 1:16

Maamina ichit'a pɨ pae pari mimiaparí jĩra uru baiwẽa bɨma, mãɨpari mãɨ k'aepẽra atepe piipará uru bai bɨma. Cristo k'orea pɨ ũpẽa pẽra k'ɨ̃rianepa uru bai bɨma. Mɨa ichi minachia k'ɨ̃ria bɨma, maamina mãɨ k'aepẽra pɨa ichi pia atepe k'ɨ̃riai pia bɨma, pɨ pae pari mimiaparí pẽra mãɨnepa Tachi Chipari k'orea pɨ ũpẽa pẽra.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

2 Pedro 3:15

K'ɨ̃risiat'ɨ Tachi Chiparipa ẽpẽrarã k'aripai k'orea jõma choa bɨt'a. Ara mãɨya tachia k'ɨ̃ria p'anɨ ũpẽa Pablo pida k'art'ade mãrá bɨsima, Tachi Ak'õrepa ichiá teada k'ɨ̃risiadepa.