Ep'esio 6:20 - Tachi Ak'õre Pedea

²⁰ Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.

Ep'esio 6:20 ပူးပေါင်းရင်းမြစ်များ

Hecho 21:33

Chi papaká berã chi atepe poro chaarea bɨ ará cheside Pablo jitak'ari k'ãnena umeepa jɨ̃pisima. Maapae ẽpẽerã minachia cheepɨradadá idisima Pablo k'ait'a, mãɨnepa k'ãre oosit'a k'awai k'orea.

Hecho 26:29

Pablopa jarasima: —Mɨa Tachi Ak'õrea ɨt'aa chiidi bɨma tãaraawẽane wa tãaraarune pɨ mãɨnepa ãarea chi mɨ pedea ũri p'anɨ mɨ jĩra p'ananamẽrá, maamina nãɨ k'ãnena newẽa.

Hecho 28:20

Mãɨpuru mɨa mãra unu k'ɨ̃ria basima mãra ome pedeai k'orea. Tachi Ak'õrepa Tachi K'aripaparí teai jarada ãarea israel ĩjũanepemarãpa nɨ p'anɨma. Ichi k'orea mɨ nãɨya k'ãnenapa jɨ̃ bɨma.

Hecho 28:31

Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.

Hecho 5:29

Mãɨne Pedro mãɨnepa chi waapẽarã Jesupa peedaɨrãpa p'anoosidama: —Ẽpẽerãpa jara p'anɨ k'aepẽra Tachi Ak'õrepa jara bɨt'a ĩjãanai p'anɨma.

2 Corintio 3:12

Mãɨ pedea chiwidi bɨda piarã jõk'apɨ́ k'awa p'anɨ pẽra taipa pia jarateapatama.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

Colosense 4:4

Ɨt'aa chiidit'ɨ mɨa pia jarateamẽrá mɨa ooi bɨ jĩra.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

P'ilemón 1:10

Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

P'ilemón 1:9

Mãɨpari mɨa chichupuria idiruma pɨa k'ɨ̃rianepa mãɨya oomẽrá. Mɨ Pablo chõa k'eesima, mãɨnepa naapae Jesucristo k'orea eda serra uru p'anɨma.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.