Ep'esio 6:18 - Tachi Ak'õre Pedea

¹⁸ Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Ep'esio 6:18 ပူးပေါင်းရင်းမြစ်များ

Mateo 17:21

Maamina jaore mietá nãɨ jĩra be ãyá jeret'aadai k'orea Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Marco 13:33

»¡Tau pará p'anat'ɨ! ¡Ak'ɨ p'anat'ɨ! Mãrapa chi ewari sãapae chei atua p'anɨma.

Marco 14:38

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Luca 22:46

Mãɨ k'orea ãchiá jarasima: —¿K'ãre k'orea mãra k'ãi p'anɨma? P'irabaridak'ari Tachi Ak'õrea ɨt'aa chiidit'ɨ machia nemietá ooit'a k'ɨ̃risiadaipɨra, ichia machi k'aripamẽrá.

Luca 3:26

Nagai Máhat warra pasima. Máhat Matatía warra pasima. Matatía Semeí warra pasima. Semeí José warra pasima. José Juda warra pasima.

Luca 3:37

Lamec Matusalén warra pasima. Matusalén Enoc warra pasima. Enoc Jared warra pasima. Jared Malale warra pasima. Malale Cainán warra pasima.

Hecho 1:14

Ãchi ãarea, Jesú ũpẽarã ome, ichi nae María ome mãɨnepa waapẽarã wẽrarã ome pida abarik'a k'ɨ̃risia p'anɨnepa ará p'anasidama, Tachi Ak'õrea ɨt'aa chiididai k'orea.

Hecho 10:2

Mãɨ Cornelio ichi tiidapemarã paara ãarea jĩp'a p'anasima. Tachi Ak'õre wap'ea p'anasidama. Corneliopa judiorã k'aripai k'orea erreara minachia teapachima mãɨnepa Tachi Ak'õrea ɨt'aa chiidi bapachima.

Hecho 12:5

Pedro jɨ̃a uru p'anɨmisa ũpẽarãpa Tachi Ak'õrea minachia ɨt'aa chiidi p'anasidama ichi k'aripamẽrá.

Hecho 6:4

Mãɨya taipa p'ue pia Tachi Ak'õrea ɨt'aa chiidi p'ananaipɨ mãɨnepa ichi pedea jara p'ananaipɨ.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Ep'esio 1:16

mɨa ewaricha mãra k'orea Tachi Ak'õrea sõpia bɨade aparima mãɨnepa mãra k'orea ɨt'aa chiidiparima.

Ep'esio 2:22

Cristo ome p'anɨ pẽra mãra sida jõma ẽpẽrarã Tachi Ak'õrenepemarã paara, te aba bɨ jĩra p'anɨma. Mãɨ tede Tachi Ak'õre ichi Jaoredepa baparima.

Ep'esio 3:18

Mãɨne mãrapa jõma ẽpẽrarã Tachi Ak'õrenepemarã ome p'ue k'awadaipɨ chi Cristopa tachi k'ɨ̃ria bɨt'a. Mãɨ jet'ea bɨma, teesoa bɨma, ɨt'ɨ bɨma mãɨnepa eudu bɨma.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

P'ilipense 1:4

Tachi Ak'õrea ɨt'aa chiidirucha mɨa mãra k'orea arapá ɨt'aa chiidiparima,

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

Colosense 1:3

Tachi Chipari Jesucristo Ak'õre, Tachi Ak'õrea ɨt'aa chiidiutacha taipa mãra k'orea sõpia p'anɨane apatama.

Colosense 1:4

Taipa ũri p'anɨma mãrapa Jesucristode ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

1 Timoteo 2:1

Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.

P'ilemón 1:5

Mɨa ũrisima pɨa Tachi Chipari Jesude ĩjãa bɨt'a mãɨnepa jõma ẽpẽrarã Tachi Ak'õrenepemarã k'ɨ̃ria bɨt'a.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

Juda 1:20

Maamina ũpẽarã, ara machi k'ak'awá k'aripat'ɨ Cristode ĩjãanamẽrá. Tachi Ak'õrea ichi Jaoredepa ɨt'aa chiidit'ɨ.