Ep'esio 6:14 - Tachi Ak'õre Pedea

¹⁴ Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra.

Ep'esio 6:14 ပူးပေါင်းရင်းမြစ်များ

Luca 12:35

»Te chipari pae pari mimiaparí pia bɨ jĩra p'anat'ɨ, Tachi Ak'õrepa jara bɨt'a ũrinai k'orea. Chi te chipari pae pari mimiaparí pia bɨpa ĩpira k'oa uru baparima ichi chipari cherude pia pedeai k'orea. Miak'ãipataɨ arapá ewari oo p'anɨmãɨpa chek'ari, chi chiparipa t'ɨ̃rune chi ichi pae pari mimiaparí pia bɨpa ara mãɨne tede eda wãpataɨ ewaipɨ.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Ep'esio 5:9

Ɨnaane nipadaipɨra sõpia p'ananaipɨ, jĩp'a oodaipɨ mãɨnepa piarãnepa nipadaipɨ.

Ep'esio 6:13

Mãɨ k'orea chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ. Mãɨya tiorepa mĩesa oopiyá bɨde mãrapa p'ue choadaipɨ. P'uedak'ari chaarea p'ananaipɨ.

1 Tesalonicense 5:8

Mãɨt'u tachi chi ãst'aapema pẽra ẽrea p'ananai p'anɨma. Cristode ĩjãa p'ananai p'anɨma, waapẽarã k'ɨ̃ria p'ananai p'anɨma, mãɨnepa Tachi Ak'õrepa ɨtɨai pada k'aripait'a nɨ p'ananai p'anɨma. Mãɨya ara tachi pia ak'ɨ p'ananai p'anɨma, papaká bɨpa ichi poro ɨ̃rɨ ne chaarea jɨ̃pari jĩra, mãɨnepa k'ak'uade ne chaarea bɨ jɨ̃pari jĩra.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

Apocalipsi 9:17

Chi mũra mɨa k'ãmok'araade ununa nãɨya beasima: ãchi poro imama poro jĩra beasima. Ichi it'aedepa azup're, nãri mãɨnepa t'ɨpɨ urua che nɨbasima. Chi mãɨ ãchi ɨ̃rɨ suak'abari p'ananapa ãchi k'ak'uade ne chaarea bɨ jɨ̃ p'anasima. Mãɨ ne chaarea bɨ p'urea t'ɨpɨ tau jĩra basima, zap'iro mawara chi p'ap'ãrá k'ĩrajá basima mãɨnepa azup're mawara k'uará basima.

Apocalipsi 9:9

Ãchi k'ak'uade ne chaarea bɨ jiorro ooda jɨ̃ p'anasima. Ãchi ĩk'arra jĩk'ua basima mũrapa ãchi carro minachia pɨrabari k'ĩruune ateewãuta jĩra.