Ep'esio 6:12 - Tachi Ak'õre Pedea

¹² Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Ep'esio 6:12 ပူးပေါင်းရင်းမြစ်များ

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Luca 13:24

—Tausia p'anat'ɨ chi eda wãpataɨ p'isua bɨde eda wãnai k'orea. Piarã eda wãnai k'orea berã chok'ará p'anɨma maamina p'ue ãarea eda wãnaiwẽma.

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Romano 8:38

Mãɨ k'orea mɨa k'awa bɨma tachi piudaipɨra wa chok'ae p'ananaipɨra, Tachi Ak'õrepa k'ɨ̃ria bɨdepema awara p'ananaiwẽma. Nãɨ ewaride mãɨnepa nũpema ewaride pida awara p'ananaiwẽma. Mãɨnepa Tachi Ak'õrepa ɨt'aripa peedaɨrãpa, jaore mietaarãpa, chi atepe berãpa, chi ɨtɨpemarãpa, chi ek'aripemarãpa, wa mi ãpia pida Tachi Ak'õrepa oodadepema pida tachi ichia k'ɨ̃ria bɨdepema p'ue ãyá bɨdaiwẽma. Ara mãɨ tachi k'ɨ̃ria bɨt'a, Tachi Chipari Jesucristodepa unupisima.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

2 Corintio 11:14

Jãɨrã k'orea mãrapa k'awa k'ɨ̃risiadawẽa p'anɨwẽma. Tiore sida Tachi Ak'õrepa ɨt'aripa peeda ɨnaanepema jĩra cheparima.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Ep'esio 1:21

Tachi Ak'õrepa ichi chi atepe bɨsima ãarea jaore mietaarã chi minachia k'awa berã k'aepẽra, pajãnepema chi atepe k'awa berã k'aepẽra, chi jua chaarea berã k'aepẽra, mãɨnepa chi ãarea p'uepataɨrã k'aepẽra. Nãɨ ewaride ichi jõmãɨrã k'aepẽra chi atepe bɨma, mãɨnepa k'aadeapema ewaride pida mãɨya baipɨ.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

Colosense 2:15

Mãɨpuru Tachi Ak'õrepa jõma tachia ununak'aɨ chi jua chaarea berã p'uesima. Mãɨ ooda ichia jõmãɨrã́ k'awapisima.

2 Timoteo 2:5

Mãɨnepa chi p'iraparí chi p'irapataɨ minachia k'awa berãpa jarapata jĩra p'iraepɨra, mãɨ naa pacherupɨra, chi atai bada ataiwẽma.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Hebreo 12:4

Mãra nemietá ome chõo p'anɨmina wapida mãra peadawẽa p'anɨma Jesú peadada jĩra.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.