Ep'esio 5:3 - Tachi Ak'õre Pedea

³ Mãra ẽpẽrarã Tachi Ak'õrenepemarã pẽra wẽra awaraɨ ome k'ãinaiwẽa p'anɨma, k'ĩra p'erapiparide nipadaiwẽa p'anɨma, mãɨnepa ne waapẽarãné k'ɨ̃rianaiwẽa p'anɨma. Mãɨ k'orea mi ãpia pida pedeadaiwẽa p'anɨma.

Ep'esio 5:3 ပူးပေါင်းရင်းမြစ်များ

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Luca 12:15

Mãɨne ichia jõmãɨrã́ jarasima: —¡Jĩrak'aua p'anat'ɨ! Erreara chi awaa p'anarãt'ɨ. Neet'á minachia uru bɨdepa tachi chok'ae bak'ama.

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Hecho 15:20

Mãɨyawẽapuru, k'art'ade bɨdai p'anɨma chi juapa oodada sãdoa ne k'iuru teadada p'ue k'odaiwẽa p'anɨt'a, nemietá awaraɨ ome oodaiwẽa p'anɨt'a, ãnimara ojɨ̃ peadada k'odaiwẽa p'anɨt'a mãɨnepa oa k'odaiwẽa p'anɨt'a.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

Romano 16:2

Tachi Chipari t'ɨ̃nepa pia pedeat'ɨ Tachi Ak'õre ẽpẽrarãpa oodai p'anɨ jĩra. Ichia ẽpẽrarã chok'ará k'aripasima. Mɨ sida minachia k'aripasima. Mãɨpuru ne ãareaɨnepa ichi k'aripat'ɨ.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

1 Corintio 10:8

Tachi awaraɨ ome k'ãi p'aneenaiwẽa p'anɨma waapẽarãpa oodada jĩra. Ãchia mãɨya oo p'anɨ k'orea ewari abaɨde 23.000 ãarea piusidama.

1 Corintio 5:1

Ẽpẽrarãpa jara p'anɨma mãra t'ãena chi aba bɨpa k'ima awaraɨ ome k'ãiyá bɨpɨ. Jara p'anɨma mãɨpa chi ak'õre k'ima chi k'ima jĩra uru bɨt'a. Piarã chi Jesucristode ĩjãanak'apɨɨrã pida mãɨya oodak'ama.

1 Corintio 6:13

Mãɨnepa waapẽarãpa jarapatama: «Chik'o tachi bi pae bɨma, mãɨnepa tachi bi chik'o pae bɨma». (Mãɨya bɨmina Tachi Ak'õrepa mãɨ umea jõpiipɨ). Maamina tachi k'ak'ua bɨwẽma nemietá oo bamẽrá, mãɨpari Tachi Chipari pae bɨma. Mãɨnepa Tachi Chipari tachi k'ak'ua ak'ɨi k'orea bɨma.

1 Corintio 6:18

Awaraɨ ome mi ãpia pida k'ãirãt'ɨ. Nemietá awara ooipɨra, mãɨpa tachi k'ak'ua mietá beepiiwẽma. Maamina k'ak'uadepema nemietá ooipɨra, tachi k'ak'ua piawẽa beeipɨ.

2 Corintio 12:21

Mɨa wap'ea bɨma mãramá mãicha cherude Tachi Ak'õrepa mɨ mãra k'orea k'ĩra p'erapiit'a. Mãɨne chok'ará mãrapa naena nemietá oo p'anana wapida oo p'anɨ pẽra mɨ jẽaipɨ. Mãrapa chi Tachi Ak'õremá piawẽa oopataɨ, awaraɨ ome k'ãipataɨ mãɨnepa waapẽarã taade ne k'ĩra p'era oopataɨ wapida mãɨ itu bɨdawẽa p'anɨ pẽra jẽaipɨ.

Ep'esio 5:12

Piarã ãchia nemietá mẽra oopataɨ, tachi p'eradai p'anɨma mãɨ k'orea pedeadai k'orea.

Ep'esio 5:5

Mãrapa k'awa p'anɨma k'ima awaraɨ ome k'ãipataɨ, k'ĩra p'erapiparide nipapataɨ mãɨnepa nejõma k'ɨ̃riapataɨ chi Cristo mãɨnepa Tachi Ak'õrepa teadayade adada p'ue jitadaiwẽma. Nejõma k'ɨ̃ria bait'a, juapa oodada sãdode ĩjãa bɨ jĩra bɨma, Tachi Ak'õre k'aepẽra, chi ichia k'ɨ̃ria bɨt'a atepe ĩjãa bɨ pẽra.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Tesalonicense 4:3

Tachi Ak'õrepa k'ɨ̃ria bɨma mãra ichi pae pia p'ananamẽrá. Mãɨpuru mãra k'ak'uapa nemietá ooyá bɨ oorãt'ɨ.

1 Tesalonicense 4:7

Tachi Ak'õrepa tachi jɨrɨ ataé pasima k'achiade p'ananamẽrá, mãɨpari jɨrɨ atasima ichi pae jĩp'a p'ananamẽrá.

1 Timoteo 2:10

Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma.

1 Timoteo 3:3

It'uapa piu nipawẽa bai bɨma. K'ĩruuyá baiwẽa bɨma, mãɨpari awaraɨrã ome sõpia bai bɨma. Jõmãɨrã ome ne k'ɨ̃risiawẽa bai bɨma. Erreara awaa baiwẽa bɨma.

1 Timoteo 6:10

Erreara awaa bɨdeepuru ne k'achia unuparima. Ara mãɨ awaa p'anɨnepa waapẽarãpa Cristode ĩjãa p'anana itu bɨsidama. Mãɨya ãchi minachia mĩa p'aneesidama.

2 Timoteo 3:2

Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ.

Tito 1:11

Ãchia jarateaiwẽa bɨ jaratea p'anɨnepa techa ẽpẽrarã́ piawẽa k'ɨ̃risiapipatama. Aba errearadeepuru jarateapatama. Mãɨrã́ jarateapirãse.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

Hebreo 12:16

Jĩrak'aua p'anat'ɨ mi ãpia pida wẽra awaraɨ ome k'ãipataɨ mãɨnepa chi Esaú jĩra Tachi Ak'õrene piawẽa k'ɨ̃risiapataɨ mãra paara p'anapidaemaapa. Esaú Jacó warra ĩwini pẽra chi ak'õrepa uru bɨdepema neet'á minachia jitai basima. Maamina ichi ũpẽapa barimama chik'o k'opida k'orea, ichia ichi ak'õre neet'á jitai badat'a ãarea chi ũpẽá teasima.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.

2 Pedro 2:10

Chi nãɨ k'ak'uapa nemietá oo k'ɨ̃ria bɨ oopataɨrã mãɨnepa chi Tachi Ak'õre ãchi Chipari papidayá k'ɨ̃rianak'aɨrã atepe ɨtɨaipɨ. Sea jarateapataɨrã nemietá oodai k'orea p'eradak'ama. Minachia k'awa be jĩra p'anapatama. Jaore chi minachia berã k'orea, k'achia pedeadai k'orea wap'eadak'ama.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.

Apocalipsi 2:14

Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.

Apocalipsi 2:21

Mɨa nɨ basima ichia k'ak'uadepa nemietá ooparí itu bɨk'ari ya Tachi Ak'õremá chemẽrá. Maamina mãɨ nemietá itu bɨi k'ɨ̃riaé pasima.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Apocalipsi 9:21

Mãɨnepa ẽpẽra mĩa peapataɨ, waapẽarã nɨɨpataɨ, tachi k'ak'uadepa nemietá oopataɨ mãɨnepa nechɨapataɨ itu bɨdaé pasima.