Ep'esio 5:21 - Tachi Ak'õre Pedea

²¹ Cristo wap'ea p'anɨnepa ara mastu chi ĩjãat'ɨ.

Ep'esio 5:21 ပူးပေါင်းရင်းမြစ်များ

1 Corintio 16:16

Mɨa mãrá chichupuria idiruma ãchi mãɨnepa jõma ãchi jĩra berã ũrinamẽrá. Jõma Tachi Ak'õre oo bɨt'a oopataɨrã ũrit'ɨ mãɨnepa chi ũpẽarã k'aripa berã ũrit'ɨ.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Ep'esio 5:22

Wẽrarã, mãra k'ima pedea ũrit'ɨ, mãrapa ara Tachi Chipari Cristo pedea ũripata jĩra.

Ep'esio 5:24

Cristo ẽpẽrarãpa ichi pedea oopata jĩra wẽrapa ichi k'ima pedea ãarea ĩjãa bai bɨma.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

1 Timoteo 2:11

Ũpẽarã ará jere nɨbeeutade wẽerãpa k'ĩup'ea ũrinai p'anɨma mãɨnepa chi ũpẽarã ak'ɨpataɨrã wap'ea p'ananai p'anɨma.

1 Timoteo 3:4

Ichi tedepemarã minachia ak'ɨ bai bɨma, ichi warrarã wap'eapa chok'ea p'ananamẽrá.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

1 Pedro 2:13

Tachi Chipari Jesucristo k'orea jõma nãɨ ĩjũanepema minachia berã pedea ĩjãat'ɨ. Nãɨ tuadepema minachia k'awa bɨpa jararu ĩjãat'ɨ ichi chi atepe bɨ pẽra.

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».