Ep'esio 5:18 - Tachi Ak'õre Pedea

¹⁸ It'uapa piu niparãt'ɨ. Mãɨpa nemietá atepe oopiparima. Piu nipadai k'aepẽra Tachi Ak'õre Jaoredepa p'anat'ɨ.

Ep'esio 5:18 ပူးပေါင်းရင်းမြစ်များ

Mateo 23:25

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa pasu mãɨnepa p'arat'u ɨ̃rɨpema pia sɨɨpatama, maamina eda mietá bɨma. Ara mãɨ jĩra mãra sõne ne ãarea ara machi pae ata k'ɨ̃riapatama mãɨnepa chi mãrapa k'ɨ̃ria oodat'a mãɨt'u oopatama.

Mateo 24:49

Mãɨne ichia chi waapẽarã mimiapataɨrã jok'ae baipɨ mãɨnepa piu nipapataɨrã ome nek'o beek'ari it'ua to baipɨ.

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

Luca 12:45

Maamina mãɨ ichi pae pari mimiaparipa ichi sõne “mɨ chipari tãaraayane” aipɨra, waapẽarã ichi pae pari mimiapataɨrã, wẽrarã sida jok'ae beek'ari, nek'ok'ari, netok'ari mãɨnepa it'uapa piu baipɨ.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Juan 2:10

—Ãareaɨrãpa chi uvaba piipará bɨt'a naa jedapatama. Maapae chi t'ɨ̃k'oadaadapa minachia todak'ari, chi uvaba neena bɨt'a jedapatama. Maamina pɨa chi uvaba chi piipará bɨt'a mẽra uru bada naapae jedapiruma.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

1 Corintio 11:21

Jõmãɨrã chedai naena machicha chi chik'o k'opatama. Mãɨne waapẽarã jarra nɨbeeparima mãɨnepa waapẽarã piu nɨbeeparima.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

1 Tesalonicense 5:7

Chi k'ãi berã teamasi k'ãipatama mãɨnepa chi it'ua to berã teamasi it'ua topatama.

Tito 1:6

Ĩjãapataɨrã ak'ɨparí chõa nepɨra pará bɨade adaiwẽa bai bɨma. K'ima abapuru uru bai bɨma. Ichi warrarãpa Cristode ĩjãa p'ananai p'anɨma mãɨnepa jĩp'a nipadai p'anɨma. Mãɨya ẽpẽrarãpa jaradaiwẽma nemietá oo p'anɨ wa k'ɨɨrɨwẽa p'anɨ.