Ep'esio 5:15 - Tachi Ak'õre Pedea

¹⁵ Mãɨpuru jĩrak'aua p'anarãt'ɨ. Atua be jĩra p'anarãt'ɨ, mãɨpari mãra k'ɨ̃risiadepa p'anarãt'ɨ.

Ep'esio 5:15 ပူးပေါင်းရင်းမြစ်များ

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Mateo 25:2

Mãɨ ãwẽra joesoma p'anɨ k'ɨ̃risia minachia p'anasidama. Mãɨnepa waapẽarã joesoma p'anɨ k'ɨ̃risia nea p'anasidama.

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Mateo 27:4

Ãchiá jarasima: —Mɨa ẽpẽra nepɨra newẽa bɨ jitapida pẽra nemietá oosima. Mãɨne ãchia jarasidama: —¿Taimá mãɨ sãima? Mãɨ porepɨ.

Mateo 8:4

Jesupa ichiá jarasima: —Pɨ jɨpa beeda abaɨa jararãse. Mãɨpari p'aaremá wãse pɨ jɨpa beesit'a unumẽrá. Maapae ne tease Moisepa jarada jĩra. Mãɨya ẽpẽrarãpa pɨ piarã jɨpa beeda k'awadaipɨ.

Luca 24:25

Mãɨpuru Jesupa ãchiá jarasima: —¡Jõma Tachi Ak'õre pari pedeapataɨrãpa jaradada mãrapa ĩjãanawẽa p'anɨma! ¡Mãra k'ɨ̃risia nea p'anɨma!

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Gálata 3:3

¡Mãra piarã k'ɨ̃risia newẽa p'anɨrãpɨ! Cristode ĩjãasidaɨde naa Tachi Ak'õre Jaoredepa pia nipasidama. ¿Naapae ara machia oo p'anɨnepa chi jĩp'a berã paara nipadaik'ãra?

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Ep'esio 5:33

Mãɨ k'orea k'awapi bɨmina machicha mãra k'ima k'ɨ̃ria p'ananai p'anɨma ara machi k'ɨ̃ria p'anɨ jĩra. Mãɨnepa wẽrapa ichi k'ima wap'ea bai bɨma.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 4:5

Cristode ĩjãanak'apɨɨrã t'ãena k'ɨ̃risia k'awa p'anɨnepa nipat'ɨ. Ewaricha jɨrɨt'ɨ ichi k'orea ãchiá k'awapidai k'orea.

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

1 Timoteo 6:9

Maamina erreara minachia uru k'ɨ̃ria berãpa nejõma awaa p'anɨnepa k'achiade baepatama. Chi ne tachi k'aripak'aɨ mãɨnepa ne tachi nemietá oopataɨ k'ɨ̃ria p'anɨnepa k'achiade p'aneepatama ãnimara k'idap'ede baeda jĩra. Mãɨne ãchi ãarea chichupuria p'aneepatama, toeda t'aawãru jĩra.

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.

Santiago 3:13

Mãra k'ɨ̃risia k'awa berã mãɨnepa ne k'awa berã k'ɨ̃risia p'anɨpɨra, pia nipapataɨdepa unupit'ɨ piarã mãɨya bet'a. Chi atepe k'ɨ̃risiadawẽa k'ɨ̃risiadepa pia oodai p'anɨma.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.