Ep'esio 5:14 - Tachi Ak'õre Pedea

¹⁴ ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

Ep'esio 5:14 ပူးပေါင်းရင်းမြစ်များ

Luca 1:78

Ichia tachi minachia k'ĩra chupuria bɨẽra, ɨmata pajãne ochiapari jĩra, ara mãɨya Tachi K'aripaparí pajãnepa cheipɨ.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Juan 9:5

Maamina nãɨ ĩjũane bɨde mɨ ẽpẽerã pae ɨnaa bɨ jĩra bɨma mɨ Ak'õre k'orea k'awadamẽrá.

Hecho 13:47

Taipa mãɨya oodamẽrá Tachi Chiparipa nãɨya jarasima: “Mɨa pɨ ɨnaa jĩra bɨsima judiorãwẽpa mɨ k'orea k'awadamẽrá. Pɨa ãarea nãɨ ĩjũane berã́ k'awapiipɨ chi mɨa ẽpẽerã k'aripait'a”».

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Ep'esio 2:1

Naena mãra piu p'anasidama, ĩjãanawẽa p'anasidepa nemietá oopachida pẽra.

Ep'esio 2:5

nemietaade piu p'anana Cristo ome ará chok'ae bɨsima. Tachi Ak'õrepa ichi sõpiadepa mãra k'aripasima.

Colosense 3:1

Mãra Cristo ome chok'ae p'irabaridada pẽra ne ɨt'aripema jɨrɨ p'anat'ɨ. Mãma Cristo Tachi Ak'õre juaraari suak'abari bɨma.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

2 Timoteo 1:10

Maapae Jesucristo Tachi K'aripaparí cheside unupisima sãmaasã́ ichi sõpia bɨma tachi ome. Tachi piui pada Jesucristopa jõpik'ari, maapae ewaricha chok'ae bapisima. Chi ichi k'orea pedea piapa mãɨ pia k'awapi bɨma.

2 Timoteo 2:26

Arí k'ɨ̃risiasidara tiore juadepema wãnaipɨ. Ara nãɨena tiorepa jita ua bɨma ichia k'ɨ̃ria bɨ oodamẽrá.