Ep'esio 5:11 - Tachi Ak'õre Pedea

¹¹ P'ãrionenemarãpa nemietá oopatadepa nepia be chek'ama. Mãɨpuru abarik'a oorãt'ɨ, mãɨpari k'awapit'ɨ ãchia nemietá oopataɨ.

Ep'esio 5:11 ပူးပေါင်းရင်းမြစ်များ

Mateo 18:15

»Pɨ ũpẽapa pɨ nemietá oosira, ichimá wãk'ari mãra tuaba p'anɨne, pedease ichia nemietá ooda k'awamẽrá. Ichia pɨ pedea ũrisira, ichi ome sõpia beeipɨ.

Luca 3:19

Maamina Juanpa Galileadepema minachia k'awa bɨ Herode ɨtɨapachima ichia wẽra uru bɨ Herodía k'orea. Mãɨ Herodía piarã Herode ũpẽa P'elipe k'ima pasima. Mãɨ awara Juanpa ichi ɨtɨapachima nejõma nemietá ooda k'orea.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

Romano 6:21

Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.

Gálata 6:8

Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Ep'esio 5:12

Piarã ãchia nemietá mẽra oopataɨ, tachi p'eradai p'anɨma mãɨ k'orea pedeadai k'orea.

Ep'esio 5:7

Mãɨpuru nemietá oopataɨrã ome abarik'a oorãt'ɨ.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

1 Tesalonicense 5:7

Chi k'ãi berã teamasi k'ãipatama mãɨnepa chi it'ua to berã teamasi it'ua topatama.

2 Tesalonicense 3:14

Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.

1 Timoteo 5:20

Maamina ũpẽarã ak'ɨparipa nemietá oo k'ãri bɨpɨra, jõmãɨrã k'ĩrari ɨtɨase waapẽarãpa wap'eadamẽrá.

1 Timoteo 5:22

Jĩrak'aua k'ɨ̃risiawẽa, pɨ jua abaɨ ɨ̃rɨ bɨrãse ũpẽarã ak'ɨparí bamẽrá. Pɨa mãɨya ooipɨra, ichia nemietá oosira, pɨ sida nepɨra pará bayade aipɨ mãɨ nemietá k'orea. Jõma k'ɨ̃risia piadepa k'ɨ̃risia base.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

Apocalipsi 18:4

Maapae mɨa ũrisima abaɨpa pajãnepa nãɨya jararut'a: «Mɨ ẽpẽerã, Babilonianepema ãyá wãt'ɨ jãɨ p'uurudepemarãpa nemietá oo p'anɨ jĩra oopidaemaapa. Mãɨyara Tachi Ak'õrepa jãɨ p'uuru ɨtɨarude mãra ɨtɨaiwẽma.