Ep'esio 4:7 - Tachi Ak'õre Pedea

⁷ Maamina Cristopa ne oopiparí tea k'ɨ̃ria bada jĩra ichi sõpiadepa tachicha ichi pae ne oodamẽrá nepia awara awará teasima.

Ep'esio 4:7 ပူးပေါင်းရင်းမြစ်များ

Mateo 25:15

Ãchicha erreara teasima ara ãchi k'ɨ̃risiacha, mãɨ erreara eapapidamẽrá. Abaɨa erreara tau k'ak'o joesoma mil teasima. Abaɨa erreara tau k'ak'o ume mil teasima. Abaɨa erreara tau aba mil teasima. Maapaepuru ãyá wãsima.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Ep'esio 3:2

Mɨmá mãrapa minachia k'awa p'anɨma Tachi Ak'õrepa ichi sõpiadepa mɨ bɨsit'a mãrá jarateamẽrá.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.