Ep'esio 4:32 - Tachi Ak'õre Pedea

³² Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

Ep'esio 4:32 ပူးပေါင်းရင်းမြစ်များ

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Marco 11:25

Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá.

Luca 1:78

Ichia tachi minachia k'ĩra chupuria bɨẽra, ɨmata pajãne ochiapari jĩra, ara mãɨya Tachi K'aripaparí pajãnepa cheipɨ.

Luca 11:4

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra. Tai nemietaade baepirãse, mãɨpari k'achiadepema k'aripase”.

Luca 17:4

Ewari paritua nɨbɨde ichia pɨ bari k'ak'o siete nemietá ooipɨra, maapae bari k'ak'o siete pɨmá wãk'ari “mɨa nemietá ooda k'ɨ̃risia atuasiede” aipɨra, ichia ooda k'ɨ̃risia atuase».

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Luca 6:37

»Waapẽarãpa nemietá oodada k'orea pedearãt'ɨ abaɨa mãrapa nemietá oodada ak'ɨpiemaapa. Waapẽarã́ nepɨra pará bɨade arãt'ɨ, Tachi Ak'õrepa mãra nepɨra pará p'anɨane apiemaapa. Mãɨya mãrapa piawẽa oodada Tachi Ak'õrepa k'ɨ̃risia atuaipɨ.

Hecho 28:2

Chi mãmapemarã tai ome minachia sõpia p'anasidama. K'oe che nɨbɨ pẽra mãɨnepa k'õresã́ nɨbɨ pẽra ãchia t'ɨpɨ uruapidak'ari taiyá jarasidama t'ɨpɨ k'ãne chedamẽrá.

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

1 Corintio 13:4

Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama.

2 Corintio 2:10

Abaɨpa nemietá ooda mãrapa k'ɨ̃risia atuasidara mɨa pida k'ɨ̃risia atuaipɨ. Nemietá mɨa k'ɨ̃risia atuai bɨ piarã pasira, mãɨ nemietá Cristo k'ĩrari jõma k'ɨ̃risia atuasima mãra pia tuananamẽrá.

2 Corintio 2:7

Maawẽapuru naapae ichia ooda k'ɨ̃risia atuadai p'anɨma mãɨnepa sõpiapidai p'anɨma minachia sõp'ua bɨpa piawẽa beepiemaapa.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

Ep'esio 5:1

Tachi Ak'õrepa ichi warrarã minachia k'ɨ̃ria bɨma. Mãɨpuru mãra ichi jĩra p'anat'ɨ.

Santiago 5:11

Tachimá, chi minachia mĩa p'anɨne choa berã minachia pia p'anɨma. Mãrapa ũripatama Job ichi tãaraa minachia mĩana jõma choasit'a. Mãɨ ãarea tãaraa nepɨrade bak'ari k'awa p'anɨma Tachi Chiparipa ichi pia bɨsit'a. Ichia k'ĩra chupuria bɨma mãɨnepa k'ɨ̃rianepa k'aripai bɨma.

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

1 Juan 1:9

Tachi Ak'õrepa jara bɨ jĩra oopari pẽra mãɨnepa jĩp'a oopari pẽra, tachia nemietá oodada ichiá jaradaipɨra, mãɨ nemietá k'ɨ̃risia atuaipɨ. Jõma piawẽa oodada sɨɨipɨ.

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.