Ep'esio 4:31 - Tachi Ak'õre Pedea

³¹ Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

Ep'esio 4:31 ပူးပေါင်းရင်းမြစ်များ

Hecho 21:30

Mãɨne jõma Jerusalenepemarã k'ĩruupik'adak'ari p'ira errosidama. Pablo jitadak'ari Tachi Ak'õre te eda jidibari ateewãsidama. Maapae chi eda wãpataɨ ãarea jɨ̃ak'oasidama.

Romano 3:14

Unuemaa p'anɨnepa ãchi it'aedepa k'achia pedeapatama.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 5:8

Naapae p'ana ooropiparí newẽa bɨ k'opata jĩra, k'ɨ̃risia piadepa mãɨnepa piarãpẽanepa nipadai p'anɨma. P'ana ooropiparí chi chota bɨdepa waa nipadaiwẽa p'anɨma. Waapẽarã unuemaa bɨdepa mãɨnepa piawẽa oo bɨdepa waa nipadaiwẽa p'anɨma.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

Gálata 5:20

juapa oodada sãdoa ɨt'aa chiidipataɨ, jaipanarãpa oopataɨ, waapẽarã unuemaapataɨ, k'ĩruu pedeapataɨ, waapẽarãné uru p'ananai k'ɨ̃riapataɨ, ɨ̃apachia k'ĩruupataɨ, waapẽarã k'aepẽra atepe pia p'ananayá jɨrɨpataɨ, ãchi k'ɨ̃risia k'ak'awá k'ɨ̃risia p'anapataɨ, Tachi Ak'õre pedea k'ĩra awara jaratea p'anɨnepa awara wãpataɨ,

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Ep'esio 4:25

Mãɨpuru sea itu bɨt'ɨ. Abapuru piarãt'a waapẽarã ome pedeat'ɨ, jõma tachi abarik'a k'ak'uadepema pẽra.

Ep'esio 4:26

K'ĩruunaipɨra nemietá oorãt'ɨ. Mãra k'ĩruu p'anɨmisa chi k'ĩruuna ome sõpia pedeat'ɨ ewari k'iui naena.

Colosense 3:19

Ɨmɨk'ĩrarã, ara machi k'imarã k'ɨ̃ria p'anat'ɨ. Ãchi ome k'ĩruu p'anarãt'ɨ.

Colosense 3:8

Maamina naapae jõma nãɨ itu bɨt'ɨ: mãra sõnepa k'ĩruupataɨ, k'ĩruu pedeapataɨ, waapẽarã́ piawẽa oopataɨ, waapẽarã́ k'achia pedeapataɨ mãɨnepa pedea k'achia jarapataɨ.

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

1 Timoteo 3:3

It'uapa piu nipawẽa bai bɨma. K'ĩruuyá baiwẽa bɨma, mãɨpari awaraɨrã ome sõpia bai bɨma. Jõmãɨrã ome ne k'ɨ̃risiawẽa bai bɨma. Erreara awaa baiwẽa bɨma.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

2 Timoteo 2:23

K'ĩruu pedearãse chi arí k'ɨ̃risiadak'á berã ome, k'awa bɨẽra mãɨpa tachi k'ĩruupiparit'a.

2 Timoteo 3:3

Waapẽarã k'ɨ̃rianak'á p'ananaipɨ, k'ĩra chupuriadak'á p'ananaipɨ, waapẽarã ẽk'arra ãpɨte pedea k'achia jara p'ananaipɨ, nemietá oodai k'orea p'ue itu bɨdak'á p'ananaipɨ, ãnimara jĩra k'ĩruu p'ananaipɨ, mãɨnepa nejõma pia be itu bɨdaipɨ.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

Santiago 1:19

Ũpẽarã mɨa k'ɨ̃ria berã, nãɨ k'ɨ̃risia p'anat'ɨ: Jõmãɨrãpa pia ũrinai k'orea p'ananai p'anɨma, pia pedeadai p'anɨma, mãɨnepa paritua k'orea isapea k'ĩruunaiwẽa p'anɨma.

Santiago 3:14

Maamina awaraɨpa uru bɨ k'orea wa oo bɨ k'orea sõpiawẽa p'aneenaipɨra, mãɨnepa waapẽarã k'aepẽra pia p'ananai k'orea jɨrɨdaipɨra, jararãt'ɨ mãra ne k'awa bet'a. Mãɨya jaradaipɨra, chi piarãpema pedea itu bɨ p'anɨma.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.

1 Pedro 2:1

Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.

1 Juan 3:12

Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

1 Juan 3:15

Chi ichi ũpẽa unuemaa bɨ Tachi Ak'õre k'ĩrari mĩa peaparipɨ. Mãrapa k'awa p'anɨma chi mĩa peaparí ewaricha Tachi Ak'õre ome chok'ae baiwẽt'a.

Apocalipsi 12:10

Mãɨne mɨa ũrisima aba chi pajãne jĩk'ua pedeamaa bɨt'a. Mãɨpa nãɨya jarasima: «Idi Tachi Ak'õrepa ichi ẽpẽerãt'a k'aripamaa bɨma. Idi ichi jua chaareadepa jõmãɨrã chipari baipɨ mãɨnepa ichidirã ichi juade baipɨ. Cristo ichia Tachi K'aripaparí teai jaradapa ãarea p'ueipɨ. Chi tachi ũpẽarã k'orea nemietá pedeaparit'a pajãnepa nãɨ ĩjũanea bat'a peesima. Ichia ãst'á mãɨnepa teamasi Tachi Ak'õre k'ĩrari tachi ũpẽarã k'orea nemietá pedeapachima.