Ep'esio 4:30 - Tachi Ak'õre Pedea

³⁰ Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

Ep'esio 4:30 ပူးပေါင်းရင်းမြစ်များ

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Luca 21:28

Mãɨ unuutade arapaat'ɨ, mãra k'aripai ewari ara paru pẽra».

Juan 3:33

Chi ichi pedeade ĩjãa bɨpa k'awa bɨma Tachi Ak'õrepa jara bɨt'a piarãpɨ.

Hecho 7:51

»¡Mãra k'ɨɨrɨwẽa p'anɨma! ¡Sõnepa ĩjãanak'ama! Tachi Ak'õre pedea ũrii k'ɨ̃rianak'ama. Tachi Ak'õre Jaorepa jara bɨt'a mãrapa ewaricha itu bɨpatama. Ara machi chõarãenapemarã jĩra p'anɨma.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 15:54

Mãɨya tachi k'ak'ua beraaparí, k'ak'ua beraak'apɨ́ beerude mãɨnepa k'ak'ua piui pada, k'ak'ua piuk'apɨ́ beerude, Tachi Ak'õre pedeade bɨ bɨ jĩra piarã mãɨya baipɨ. Nãɨya bɨ bɨma: «Tachi Ak'õrepa tachi piui pada jõpisima».

1 Tesalonicense 5:19

Tachi Ak'õre Jaorepa oo bɨt'a itu bɨrãt'ɨ.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

Hebreo 3:10

Mãɨ k'orea ãchi ome k'ĩruuk'ari Tachi Ak'õrepa nãɨya jarasima: “Ãchi sõnepa mɨ piarã ĩjãanak'ama. Mɨ pedea ũrinak'ama”.

Hebreo 3:17

¿Tachi Ak'õre k'ai ome cuarenta ãyo k'ĩruu basima? ¿Chi nemietá oodada ome k'ĩruu basiwẽk'ãra? ¿Mãɨ k'orea ãchi ĩjũa pania newẽa bɨde ãarea piusidawẽk'ãra?