Ep'esio 4:28 - Tachi Ak'õre Pedea

²⁸ Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

Ep'esio 4:28 ပူးပေါင်းရင်းမြစ်များ

Luca 19:8

Ichi tiida padak'ari Zak'eo Jesú k'ĩrari bai nɨbeek'ari jarasima: —Mɨ Chipari, nenea k'ederã́ mɨa erreara mãɨnepa neet'á uru bɨdepema ak'ɨk'ari, abarik'a teaipɨ. Mãɨ awara erreara aba sea chɨa badapɨra, mãɨ aba chɨada pari bari k'ak'o k'ĩmari teaipɨ.

Luca 3:8

Mãrapa oo p'anɨnepa unupit'ɨ piarã machi nemietá ooparí itu bɨdak'ari Tachi Ak'õremá chesidaɨt'a. K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ.

Juan 12:6

Maamina ichia mãɨya jaraé pasima nenea k'ede k'orea k'ɨ̃risia bɨ pẽra, mãɨpari mãɨya jarasima nechɨaparí pẽra. Ãchi erreara yaaparí te ichia uru bapachima maamina mãɨnepema chɨapachima.

Juan 13:29

Judapa ãchi erreara enemeepachi pẽra, waapẽarãpa k'ɨ̃risiasidama Jesupa ne atapade a bɨek'ãra a k'ɨ̃risiasidama arapaapataɨ ewari oodai pae, mãɨyawẽpɨra chupuria k'edea ne teade wãmẽrá.

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

1 Corintio 4:12

Tai ɨ̃apaadawẽa mimia p'anɨma ne uru p'ananai k'orea. Ẽpẽrarãpa taiyá piawẽa pedeautade taipa ãchiá pia pedeapatama. Tai piawẽa ooutade choapatama.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

2 Corintio 8:2

Ãchi minachia mĩa p'anɨmina arapá p'anɨma. Nenea p'anɨmina arapaapa erreara minachia teasidama.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.