Ep'esio 4:24 - Tachi Ak'õre Pedea

²⁴ Mãɨ k'ɨ̃risia chiwidi Tachi Ak'õrepa oosima mãra ichi jĩra p'ananamẽrá. Mãɨpuru p'aru chiwidi jɨ̃ p'anɨ jĩra k'ɨ̃risia chiwididepa nipat'ɨ. Mãɨya mãra Tachi Ak'õre k'ĩrari jĩp'a, pia nipadaipɨ chi piarã pedeapa jara bɨ jĩra.

Ep'esio 4:24 ပူးပေါင်းရင်းမြစ်များ

Luca 1:75

Tachi chok'ae p'anɨmisa ichi k'ĩrari pia jĩp'a nipadaipɨ».

Juan 17:17

Pɨ pedeapa pɨ piarã k'awapi bɨma. Mãɨpa ãchi aba pɨ pae pia bɨse.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 7:6

Maamina Moisepa bɨdadepa p'anana tachi pari ãjã́ p'aneesidama. Mãɨnepema piusida pẽra naapae Tachi Ak'õre pae nepia oodaipɨ ichi Jaoredepa. Waa k'ɨ̃risiadaiwẽma Moisepa bɨdadepa mãɨya oodait'a.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

1 Corintio 15:53

Tachi k'ak'ua beraaparí, k'ak'ua beraak'apɨ́ beeipɨ. Tachi piui pada k'ak'ua, k'ak'ua piuk'apɨ́ beeipɨ.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Gálata 3:27

Mãra porochoasidaɨde unupisidama Cristo jĩra p'aneesidaɨt'a.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

Ep'esio 6:11

Chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ, mãra chaarea p'ananai k'orea, tiorea seapiemaapa.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 1:8

Maamina ichi Warra k'oreapuru Tachi Ak'õrepa nãɨya jarasima: «Tachi Ak'õre, pɨ ewaricha ne ãareaɨrã chiparipɨ. Pɨ p'uuru jĩp'a bapiparima.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

1 Pedro 2:2

Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.