Ep'esio 4:18 - Tachi Ak'õre Pedea

¹⁸ Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.

Ep'esio 4:18 ပူးပေါင်းရင်းမြစ်များ

Mateo 13:15

Ãchi sõnepa p'ue k'awadak'ama, ũri k'ɨ̃rianak'ama mãɨnepa unu k'ɨ̃rianak'ama. Mãɨya badaépara ãchia taudepa ununai pasima, k'ɨɨrɨdepa ũrinai pasima mãɨnepa sõnepa k'awadai pasima. Maapae mɨmá chedak'ari mɨa ãchi jɨpa beepii pasima.

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Juan 12:40

«Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Hecho 3:17

»Mɨ ũpẽarã judiorã, mɨa k'awa bɨma mãrapa mãɨnepa mãra minachia k'awa p'anɨrãpa Jesú peasidama ichi chi Tachi Ak'õrepa Tachi K'aripaparí teai jarada k'awadaé pasi pẽra.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 11:7

¿Mãɨnepema sãmaasã́ k'ɨ̃risia p'anɨma? Israel ĩjũanepemarãpa Tachi Ak'õre p'uuru padai jɨrɨ p'anamina, mãɨya oodaé pasima. Maamina israel ĩjũanepemarã chok'araawẽa p'anɨpa ĩjãasidama, Tachi Ak'õrepa jɨrɨ atada pẽra. Waapẽarãpa ĩjãanai k'ɨ̃rianaé pasima.

Romano 2:19

Mãrapa k'ɨ̃risia p'anɨma Tachi Ak'õrene ĩjãanak'apɨɨrã́ p'ue pia jaratea p'ananait'a tau p'ãrio berã ateeuta jĩra, p'ãrione berã ɨnaanea ateeuta jĩra.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Corintio 2:8

Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

2 Corintio 3:14

Maamina ãchia mãɨ k'awadaé pasima. Idiapae pida Moisepa bɨda ak'ɨutade judiorãpa k'awadak'ama. Ãchi k'ɨ̃risiat'a wapida neet'apa mẽra pɨra uru p'anɨ jĩra bɨma aba Cristodeepuru mãɨ wẽai bɨ pẽra.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Gálata 4:8

Naena mãrapa Tachi Ak'õre atua p'anasidaɨde chi piarãwẽ ak'õrene ĩjãa p'anasidama, ãchi pae pari mimiapataɨrã jĩra.

Ep'esio 2:1

Naena mãra piu p'anasidama, ĩjãanawẽa p'anasidepa nemietá oopachida pẽra.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Colosense 1:21

K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama.

1 Tesalonicense 4:5

Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.

Hebreo 5:2

Ẽpẽrarãpa atua p'anɨnepa ãchia piawẽa oodada k'orea chi p'aare minachia k'awa bɨpa p'ue k'awa k'ĩra chupuriai bɨma, ichia pida abarik'a oopari pẽra.

Hebreo 9:7

Maamina chi k'aadeapema k'ɨda jẽesade abapuru chi p'aare minachia k'awa bɨt'a ãyocha bari k'ak'o aba eda wãpachima. Eda wãrune ichia nemietá ooda k'orea mãɨnepa ẽpẽrarãpa paritua nemietá oodada k'orea ãnimara oa Tachi Ak'õre k'ĩrari jĩp'oi k'orea ateewãpachima.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Juan 2:11

Maamina chi ichi ũpẽa unuemaa uru bɨ p'ãrione bɨma. P'ãrione nipapari pẽra atua bɨma sãmá wãit'a, mãɨ p'ãriopa ichi tau p'ãrio uru bɨ pẽra.