Ep'esio 4:17 - Tachi Ak'õre Pedea

¹⁷ Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Ep'esio 4:17 ပူးပေါင်းရင်းမြစ်များ

Hecho 14:15

—Mãra, ¿k'ãre k'orea jãɨya oo p'anɨma? Tai Tachi Ak'õrewẽma. Tai ẽpẽrapɨ, mãra jĩra. Mãrá jarade che p'anɨma, chi piawẽa be itu bɨdak'ari Tachi Ak'õre chok'ae bɨt'a ĩjãanamẽrá. Mãɨ Tachi Ak'õrepa pajã, ĩjũa, p'usa mãɨnepa ãarea ãchide nɨbɨ sida oosima.

Hecho 18:5

Mãɨya bɨde Sila mãɨnepa Timoteo Macedonia tuadepa chesidama. Mãmãɨpa Pablopa ewaricha Tachi Ak'õre pedea jaratea bapachima. Ichia judiorã́ jarapachima Jesú piarã Tachi Ak'õrepa Tachi K'aripaparí teai jaradat'a.

Hecho 2:40

Pedro minachia pedeasima ãchia ĩjãanamẽrá. Nãɨya jara basima: —¡Chi nãɨ ẽpẽerã idiapaepemarã nemietá oopataɨdepemarã ãyá wãt'ɨ!

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

1 Corintio 1:12

Pia jaraideepara, waapẽarã mãranepemarãpa jarapatama: «Mɨ Pablodé». Waapẽarãpa jarapatama: «Mɨ Apolodé». Waapẽarãpa jarapatama: «Mɨ Pedrodé». Mãɨnepa waapẽarãpa jarapatama: «Mɨ Cristodé».

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

2 Corintio 9:6

Nãɨ k'ɨ̃risiat'ɨ: «Ãpia uurupa ãpia chauipɨ. Waibɨa uurupa waibɨa chauipɨ».

Gálata 3:17

Mɨa nãɨya jara bɨma: Tachi Ak'õre Abrahán ome pedea ausima. 430 ãyo wãyá pak'ari Moisea ichia bɨda bɨpisima. Maamina chi ichi Abrahán ome naa pedea auda, mãɨ Moisepa bɨda ãyá bɨé pasima. Ãyá bɨdapara ichia k'aripayade ada ooiwẽ pasima.

Gálata 5:3

Mãicha mɨa jararuma: abaɨ ɨmɨk'ĩrapa ichi k'ak'ua tauchaapiipɨra, Moisepa bɨda ãarea jõma oo bai bɨma.

Ep'esio 1:22

Tachi Ak'õrepa ne ãarea Cristo juade bɨsima, mãɨnepa Cristo bɨsima ne ãareaɨne ichi ẽpẽrarã Chipari bamẽrá.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Colosense 2:18

Mãɨ k'orea abaɨ pida mãrapa nepia pajãne atadaiwẽane adaipɨra, ĩjãarãt'ɨ. Chi mãɨya pedeapataɨrã sea nipapatama waapẽarã k'aepẽra k'aepe be jĩra. Ãchia Tachi Ak'õrepa ɨt'aripa peedaɨrã minachia k'ɨ̃riapatama. K'ãmok'araa jĩra ununana minachia jarateapatama. Tachi k'ak'uapa ne piawẽa ooyá bɨdepa ẽpẽra minachia k'awa bɨ jĩra paritua k'ɨ̃risiapatama.

Colosense 2:4

Jõma mãɨ mɨa jara bɨma mi ãpia pida piarã jĩra jara bɨdepa mãra seapidaemaapa.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

1 Timoteo 5:21

Tachi Ak'õre k'ĩrari, Cristo k'ĩrari mãɨnepa Tachi Ak'õrepa ɨt'aripa peedarã k'ĩrari mɨa pɨá jararuma: jõma mɨa jarada oose. Mãɨya oorude, ẽpẽra aba bɨ lawari barãse, mãɨpari jõmãɨrã ome abarik'a k'ĩra jĩp'a oo base.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

2 Timoteo 4:1

Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá:

1 Pedro 1:18

Mãra naena piawẽa be k'ɨ̃risiadepa nipapachidama mãra chõarãenapemarãpa mãɨya jarateapachida pẽra. Maamina k'awa p'anɨma Tachi Ak'õrepa mãra mãɨnepema k'aripasit'a. Mãra ataé pasima nee jõpariidepa, wa p'arat'a jõpariidepa, mãɨpari Cristo oa chi neepɨa bɨdepa atasima. Cristo chi piipará bɨ oveja chak'e Tachi Ak'õrea paateada jĩra basima.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.